Atyraýda Qarshyǵa Ahmedıarovqa eskertkish ornatyldy

ATYRAÝ. QazAqparat - Atyraýda Qazaqstannyń halyq ártisi, dáýlesker kúıshi Qarshyǵa Ahmedıarovqa eskertkish ornatyldy, dep habarlaıdy QazAqparat tilshisi.

Eskertkishtiń ashylý saltanatynda  Atyraý oblysynyń ákimi Nurlan Noǵaev Qarshyǵa Ahmedıarovtyń sheber oryndaýshy ǵana emes, óskeleń urpaqty óner jolyna baýlyǵan,  ulttyq sananyń qalyptasýyna úlken eńbek sińirgen pedagog bolǵanyn atap ótti.

«Qarshyǵa Ahmedıarov ultynyń maqtanyshy boldy. Ol kúı zertteýshisi,  ustaz retinde birneshe óner sheberlerin tárbıelep shyǵardy. Bes jasynda qolyna alǵan qazaqtyń qasıetti dombyrasy ómirlik serigine aınaldy. Qarshyǵa Ahmedıarov belgili kúıshilerdiń shyǵarmalaryn oryndap qana qoıǵan joq, ózi de 60-tan astam kúı shyǵardy»,- dedi  Nurlan Noǵaev.

Dombyrasyn qolyna alyp tuǵyrǵa qonǵan kúıshi eskertkishi - músinshi Edige Rahmadıevtiń jumysy. Músinniń bıiktigi  - 3,5 metr.

Eskertkishtiń ashylý saltanatynda sóz sóılegen Qarshyǵa Ahmedıarovtyń týystary onyń ǵajap oryndaýshylyq sheberligi, baı shyǵarmashylyq murasy men ónerdegi izin jalǵaıtyn  daryndy shákirtteri týraly aıtty.