Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Asqar Jumaǵalıev: Almatyda tsıfrlandyrý baǵytynda atqarylyp jatqan jumystar qýantty

2019 jylǵy 20 maýsym 09:30 815
Bólisińiz:
 Asqar Jumaǵalıev: Almatyda tsıfrlandyrý baǵytynda atqarylyp jatqan jumystar qýantty

ALMATY. QazAqparat -  QR Tsıfrlyq damý, ınnovatsııalar jáne aeroǵarysh ónerkásibi mınıstri Asqar Jumaǵalıev Almatyǵa sapary barysynda tsıfrlandyrý baǵytynda atqarylyp jatqan jumystardyń barysymen tanysty.

Ol týraly mınıstr óziniń facebook-tegi paraqshasynda jazdy, dep habarlaıdy QazAqparat.

«Búgin jumys saparymen Almatyda boldym. Qalanyń tsıfrlandyrý boıynsha damý qarqyny qýantty. Tsıfrlandyrýdyń qazaqstandyqtardyń ómirin jaıly etýmen qatar, qalanyń ınfraqurylymyn damytý máselelerin naqty oılastyrýǵa, sondaı-aq bıýdjet shyǵystaryn azaıtýǵa septigin tıgizetinine kezekti ret kóz jetkizdim. Mysaly, qalany basqarýdyń ahýaldyq ortalyǵynda jınaqtalǵan derekter jańa ǵımarattar qurylysyna mıllıondaǵan salymdardyń mektepter men balabaqshalardaǵy oryn jetispeýshiligi máselesin sheshýdegi jalǵyz joly emes ekenin kórsetti»,-dep jazdy mınıstr.

Onyń sózinshe, qalada oqýshylar nemese tárbıelenýshiler sany az mektepter men balabaqshalardyń bar ekeni anyqtaldy. Demek, tıisti organdar joldamanyń birkelki bólinbeý sebepterin anyqtap, uzyn-sonar kezektiń saldarymen kúresip qana qoımaı, bul máselelerdi boldyrmaý úshin jaǵdaı jasaýy qajet.  Bul Big Data taldaýlarynyń naqty nátıje bergeniniń bir kórinisi ǵana.

«Sol sebepti de, bizdiń mınıstrlik júzege asyryp jatqan jobalardyń biri - «Smart Data Ukimet» úlken mańyzǵa ıe. «Smart Data Ukimet» jobasyn engizý kezinde «aýqymdy» derekterdi taldaý jasandy ıntellekt tehnologııasy boıynsha búkil respýblıka aýmaǵynda jáne barlyq baǵyttar boıynsha júrgiziledi, ıaǵnı ekonomıkalyq jáne áleýmettik áseri áldeqaıda joǵary bolady. Bul joba Qazaqstanǵa tsıfrlandyrýdan - derekterge negizdelgen ekonomıkaǵa kóshýdi júzege asyryp jatqan damyǵan memleketterdiń úlgisinde damýǵa múmkindik beredi. Bizge dál qazirgi ýaqytta osy baǵytta damýdy jedeldetý qajet»,-deıdi Asqar Jumaǵalıev.

Onyń jazýynsha, Dúnıejúzilik ekonomıkalyq forýmynyń McKinsey & Company-men birlesip ótkizgen zertteýleriniń nátıjesine sáıkes, aldaǵy 5 jylda osyndaı tehnologııalardy engizetin qurylymdar 2030 jylǵa qaraı engizetin qurylymdarmen salystyrǵanda 10 ese tıimdirek bolmaq.

«Bul Qazaqstan úshin óte órshil maqsat bolǵanymen, oǵan qol jetkizýge bolady dep oılaımyn. Óıtkeni, men áriptesterimniń jobany júzege asyrýǵa degen qushtarlyǵy men qol jetkizgen alǵashqy nátıjelerin kórip otyrmyn»,-dep tolyqtyrdy mınıstr.

Asqar Jumaǵalıev: Almatyda tsıfrlandyrý baǵytynda atqarylyp jatqan jumystar qýantty 
Asqar Jumaǵalıev: Almatyda tsıfrlandyrý baǵytynda atqarylyp jatqan jumystar qýantty 

 

 

 

 

 

 

 

Bizdiń kanalymyzǵa jazylyńyz:

Bólisińiz:

Avtor:

Aıdar Ospanalıev

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT