Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Asqar Mamın iri halyqaralyq korporatsııalardyń basshylyǵymen kelissózder júrgizdi

2019 jylǵy 4 shilde 13:48 580
Bólisińiz:
Asqar Mamın iri halyqaralyq korporatsııalardyń basshylyǵymen kelissózder júrgizdi

NUR-SULTAN. QazAqparat - QR Premer-Mınıstri Asqar Mamın Nur-Sultan qalasyna Astana Finance Days Halyqaralyq qarjy forýmyna jáne Sheteldik ınvestorlar keńesine qatysý úshin kelgen iri álemdik kompanııalardyń basshylarymen ekijaqty kezdesýler ótkizdi, dep habaarlaıdy QazAqparat primeminister.kz-ke silteme jasap. 

Kelissózder barysynda ındýstrııalandyrý, mashına jasaý, munaı-gaz salasy, energetıka, agroónerkásiptik keshen, farmatsevtıkalyq ónerkásip, qarjy sektoryndaǵy ınvestıtsııalyq yntymaqtastyqty odan ári damytý máeleleri talqylandy. 

Asqar Mamın iri halyqaralyq korporatsııalardyń basshylyǵymen kelissózder júrgizdi 

QR Úkimetiniń basshysy Asqar Mamın jáne Exxon Mobil Production Company prezıdenti Nıll Ý. Daffın birlesken jobalardy iske asyrý barysyn talqylap, jańa joǵary tehnologııaly sheshimderdi engizýdiń mańyzdylyǵyn atap ótti. Taraptar atap ótkendeı, óndiristi jańǵyrtý kásiporyndardaǵy eńbek ónimdiligi men jaǵdaılardy jaqsartyp, ken oryndarynda munaı óndirýdi arttyrýǵa qosymsha serpin beredi. 

Baker Hughes, General Electric kompanııalar tobynyń basqarma tóraǵasy, prezıdenti, bas atqarýshy dırektory Lorentso Sımonellıdiń jetekshiligimen General Electric amerıkandyq kompanııasynyń ókilderimen kezdesýde ınvestıtsııalyq yntymaqtastyqty odan ári damytý máseleleri qaraldy. Energetıka salasynyń ózgeristeriniń álemdik trendterin eskerýmen JEK salasyndaǵy perspektıvaly ózara is-qımyldar talqylandy. Kompanııa sonymen qatar gazhımııa salasynda, densaýlyq saqtaý júıesinde, azamattyq avıatsııada, onyń ishinde memlekettik-jekeshelik áriptestik tetigi boıynsha jobalardy iske asyrýǵa qyzyǵýshylyq tanytty. 

Asqar Mamın iri halyqaralyq korporatsııalardyń basshylyǵymen kelissózder júrgizdi 

Polpharma polshalyq kompanııalar tobynyń baqylaý keńesiniń tóraǵasy Ejı Starak óz kezeginde QR Premer-Mınıstri Asqar Mamındi birlesken jobalardaǵy aǵymdaǵy jaǵdaılar týraly habardar etti. QR farmatsevtıkalyq ındýstrııasynda ınvestıtsııalyq baǵdarlamany iske asyrý máseleleri, kompanııanyń óndiristik alańdaryn odan ári jańǵyrtý boıynsha josparlar, qazaqstandyq farmatsevtıkalyq kompanııalarmen yntymaqtastyq talqylandy.

Marubeni korporatsııasynyń vıtse-tóraǵasy Shıgerý ıAmazoemen kelissózder agroónerkásiptik keshen, energetıka, JEK salasynda yntymaqtastyqty odan ári damytýǵa arnaldy. Taraptar ınvestıtsııalyq yntymaqtastyqty keńeıtý úshin zor áleýetti atap ótip, birlesken jumystardy belsendirý nıeti bildirdi. QR aýmaǵynda júzege asyrylyp jatqan jobalarǵa Marubeni salǵan ınvestıtsııalar kólemi - $750 mln. 

Asqar Mamın iri halyqaralyq korporatsııalardyń basshylyǵymen kelissózder júrgizdi 

Anadolu túrik  kompanııalar tobynyń basqarma tóraǵasy Týndjaı Ozılhanmen kezdesý barysynda ınvestıtsııalyq yntymaqtastyq máseleleri talqylandy. Indýstrııalandyrý, sonyń ishinde mashına jasaý salasyndaǵy birlesken jobalardy iske asyrý barysy qaraldy. Buǵan qosa, ınvestor qorshaǵan ortany qorǵaý, ásirese, ekinshi qaıtara paıdalanylǵan materıaldardy óńdeý jobalaryna qatysýǵa bastama bildirdi. 

Fung Group tóraǵasy Vıktor Fýngpen kezdesýde álemdik ekonomıka jáne saýda naryǵyndaǵy ózgerister, qarjy sektoryn damytýdyń ózekti máseleleri talqylandy. Taraptar jetkizilimderdiń jahandyq júıelerin basqarý, sonyń ishinde tranzıt jáne logıstıka, agroónerkásiptik keshen salalaryndaǵy eki jaqty yntymaqtastyqty damytý perspektıvalaryn qarady. 

Asqar Mamın iri halyqaralyq korporatsııalardyń basshylyǵymen kelissózder júrgizdi 

Citigroup ınvestıtsııalyq jáne korporatıvtik bankiniń úkimetter jáne memlekettik sektor jahandyq blogynyń basshysy Djýlı Monakomen, «Sıtıbank Qazaqstan» AQ basqarma tóraǵasy Andreı Kýrılınmen áńgimelesý barysynda qarjy saıasaty, kedendik ákimshilendirýdi jetildirý salasyndaǵy yntymaqtastyqty odan ári nyǵaıtý jáne ınvestıtsııalyq jobalardy iske asyrýǵa kóńil bólindi. Taraptardyń aıtýynsha, atalǵan baǵytta AHQO Bırjasyna erekshe nazar aýdarylǵan.    

«Qazaqstan el ekonomıkasyn damytyp, onyń qurylymyn ártaraptandyrý úshin qolda bar barlyq múmkindikti paıdalanady», - deı kele Djýlııa Monako, Citigroup-tiń Qazaqstannyń álem men AHQO alańdarynda IPO uıymdastyrý jónindegi bastamalaryn qoldaıtynyn aıtty.

Sondaı-aq, QR Premer-Mınıstri Asqar Mamınniń «Deutsche Bank AG» Ortalyq jáne Shyǵys Eýropa boıynsha Óńirlik basqarmasynyń bas atqarýshy dırektory Ierg Bongarttspen kezdesýinde qarjy sektoryn damytý máseleleri talqylandy. Taraptar azamattarǵa bank qyzmetterin usyný salasynda tájirıbemen almasý júıesin damytýdyń mańyzdylyǵyna toqtalyp ótti. Kezdesýler barysynda QR Premer-Mınıstri Asqar Mamın elimizde ınvestorlardyń jumysy úshin qolaıly jaǵdaılar jasalǵanyn aıtyp, kompanııalardy jańa birlesken jobalardy iske asyrýǵa shaqyrdy. QR Úkimetiniń tarapynan ınvestıtsııalyq jobalardy tıimdi iske asyrý úshin qajetti kómek sharalary usynylady.

 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT