Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Asqar Mamın Investıtsııalar tartý jónindegi úılestirý keńesiniń otyrysyn ótkizdi

2019 jylǵy 10 shilde 14:26 664
Bólisińiz:
Asqar Mamın Investıtsııalar tartý jónindegi úılestirý keńesiniń otyrysyn ótkizdi

NUR-SULTAN. QazAqparat - QR Premer-Mınıstri Asqar Mamınniń tóraǵalyǵymen Investıtsııalar tartý jónindegi úılestirý keńesiniń otyrysy ótti, dep habarlaıdy primeminister.kz.

Otyrysta negizgi kapıtalǵa ınvestıtsııalar aǵymyn QR  JІÓ-ine shaqqanda 30% deıin arttyrý boıynsha ınstıtýtsıonaldyq jáne zańnamalyq sharalar talqylandy.

Ulttyq ekonomıka mınıstrliginiń ınvestıtsııalar tartý, ekonomıka ósimin qoldaý úshin 2025 jylǵa deıin negizgi kapıtalǵa sheteldik ınvestıtsııalar men salymdardyń qajetti kólemine taldaý boıynsha júıeli tásilderi qarastyryldy.

Jyl saıynǵy jalpy tikeleı sheteldik ınvestıtsııalar aǵymyn 2018 jylǵy $24 mlrd-tan 2025 jylǵa qaraı $34 mlrd-qa deıin arttyrý boıynsha mindet qoıyldy. 

MJÁ kólik jáne logıstıka, energetıka, týrızm, TKSh ınfraqurylymyn jańǵyrtý, densaýlyq saqtaý, bilim berý t.b. salalarǵa ınvestıtsııalar tartýdyń tıimdi quralyna aınalýy tıis. 

Ekonomıkany ártaraptandyrýdyń mańyzdy draıveri jumys istep turǵan kásiporyndardyń vertıkaldy kirigýin qamtamasyz etetin jobalarǵa ınvestıtsııalardyń shoǵyrlanýy bolady. 

Salalar boıynsha ınvestıtsııalar tartý kórsetkishterine qol jetkizý de elimizdiń eksporttyq bazasynyń tehnologııalyq kúrdelililign arttyrýdy qamtamasyz etedi. 

Ortalyq jáne jergilikti atqarýshy organdar úshin JІÓ-ge ınvestıtsııalardyń maqsatty ara qatynasyna qol jetkizý úshin ınvestıtsııalardy tartý boıynsha tıimdiliktiń negizgi kórsetkishteri ázirlenedi. 

Otyrystyń kún tártibinde sonymen qatar kóterme saýda-taratý ortalyqtary jelisin damytý máselesi qaraldy. Qazaqstanda logıstıkalyq qýattylyqty arttyrý maqsatynda 2020-2023 jyldary Nur-Sultan, Almaty, Shymkent, Aqtóbe, Semeı, Kókshetaý, Atyraý jáne Aqtaý qalalarynda 8 óńirlik taratý ortalyǵynan turatyn jelini qurý josparlanǵan. Bul tetik fermerlerden ónimderdi erte satyp alyp, qajetti qor jasap, odan keıin ónimderdi maýsymaralyq kezeńde - jeltoqsan aıynan sáýir aıyna deıin saýda jelilerinde arzandatylǵan baǵamen satýǵa baǵyttalǵan. 

Jobany iske asyrý nátıjesinde baǵalardyń turaqtylyǵy qamtamasyz etilip, áleýmettik mańyzy bar azyq-túlik taýarlaryna maýsymdyq alypsatarlyq ústeme baǵa boldyrylmaıdy. Jobany iske asyrýda salynǵan bir teńgeden jıyntyq áleýmettik-ekonomıkalyq tıimdilik 30 teńgeden asady. 

Úılestirý keńesi otyrysynyń qorytyndysy boıynsha Qazaqstan Respýblıkasyna ınvestıtsııalardy odan ári tartý jónindegi Jol kartasy qabyldandy. 

«Ekonomıkanyń damýy ınvestıtsııalardy tartýmen tikeleı baılanysty. Jańa taýashalar izdep, ınvestıtsııalar tartý tetikterin quryp, barlyq qoldaý sharalaryn kórsetý kerek, - dedi Asqar Mamın. - Basty mindet - ekonomıkaǵa ınvestıtsııalar kólemin 2 ese arttyrý».

QR Úkimetiniń basshysy ortalyq memlekettik organdarǵa, óńirler ákimderine, holdıngterge ulttyq jáne sheteldik ınvestorlarmen, sondaı-aq halyqaralyq qarjy uıymdarymen el ekonomıkasyna ınvestıtsııalar tartý jáne jańa aýqymdy jolbalardy tabý boıynsha jumystardy jandandyrýdy tapsyrdy. 

 

 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT