Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Asqar Mamın EQQDB basshysy Sýma Chakrabartımen yntymaqtastyqty keńeıtý keleshegin talqylady

2019 jylǵy 3 shilde 19:36 737
Bólisińiz:
Asqar Mamın EQQDB basshysy Sýma Chakrabartımen yntymaqtastyqty keńeıtý keleshegin talqylady

NUR-SULTAN. QazAqparat - Qazaqstan Respýblıkasynyń Premer-Mınıstri Asqar Mamın Eýropa qaıta qurý jáne damý bankiniń prezıdenti Sýma Chakrabartımen kelissózder júrgizdi, dep habarlaıdy primeminister.kz saıty.

Kezdesýde Qazaqstan men EQQDB arasyndaǵy turaqty ekonomıkalyq ósimdi qamtamasyz etý salasyndaǵy birlesken jobalardy iske asyrý jónindegi ózara tıimdi yntymaqtastyqty odan ári nyǵaıtý máseleleri qaraldy. Taraptar Qazaqstandaǵy EQQDB qyzmetiniń strategııalyq baǵyttaryn, sonymen qatar, energetıkalyq sektor, mýnıtsıpaldyq ınfraqurylym, kólik, ShOB, «jasyl» ekonomıka, jańartylatyn energetıka, munaı-hımııa salasy máselelerin talqylady.

Birlesken jobalardy iske asyrýda, sonyń ishinde densaýlyq saqtaý, ınjenerlik ınfraqurylym salasynda memlekettik-jekemenshik áriptestikti qoldanýdyń mańyzdylyǵy atalyp ótti.  

Sýma Chakrabartı Qazaqstannyń EQQDB operatsııalary elderiniń bestigine kiretinin aıtyp, QR-nyń TOP-3 qataryna kirý perspektıvalaryn atap ótip, ózara is-qımyldy odan ári damytýǵa qyzyǵýshylyq tanytatyndaryn jetkizdi.

18 aıda Bank QR ekonomıkasyna 43 jobaǵa $1 mlrd astam ınvestıtsııa salǵan. 1993 jyldan beri EQQDB Qazaqstanǵa 240 jobaǵa $8 mlrd astam ınvestıtsııa saldy. Yntymaqtastyqtyń perspektıvalyq baǵyttary arasynda bank sektory atalyp ótti. 

Óz kezeginde, Asqar Mamın QR Úkimetiniń nátıjeli yntymaqtastyqty jalǵastyrýǵa degen nıetin rastady. Qabyldanyp jatqan birlesken sharalar osy jyldyń sońyna deıin EQQDB QR-ǵa ınvestıtsııalar kólemin $750 mln deıin ulǵaıtýǵa jol ashady.

 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT