Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 443.50 EUR 479.47
RUB 5.79 CNY 62.51
Jańalyqtar

Asqar Mamın Arysqa saparyn qorytyndylady

2019 jylǵy 11 shilde 18:13 618
Bólisińiz:
Asqar Mamın Arysqa saparyn qorytyndylady

ARYS. QazAqparat - QR Premer-Mınıstri Asqar Mamın Arys qalasyndaǵy jumys saparyn qorytyndylady, dep habarlaıdy QazAqparat tilshisi.

Arystaǵy jarylystan búlingen nysandardy tekserý qorytyndysy boıynsha Úkimet basshysynyń tóraǵalyǵymen keńes ótti. Keńes barysynda QR ındýstrııa jáne ınfraqurylymdyq damý mınıstriniń orynbasary Qaıyrbek Óskenbaev tyndyrylǵan sharýalar týraly aqparat berdi.

«Qazir barlyq sektorda jóndeý jumystary qyzǵan. Barlyǵy  676 úı qoldanysqa berildi. Óńirler boıynsha aıtsaq, Aqtóbe - 236, BQO - 162, Nur-Sultan - 80, SQO - 47, Qyzylorda - 41, Shymkent - 31, Jambyl - 21, Aqmola - 18, Mańǵystaý - 12, Qostanaı - 12, Almaty - 9, Qaraǵandy - 5, Atyraý - 2 úıde jóndeý jumystaryn aıaqtady. Áli 3040 úıde jóndeý jumystary júrip jatyr. Nysandarda 190 qurylys kompanııasynan 4 699 qyzmetker men 207 arnaıy tehnıka jumyldyrylǵan», - dedi Qaıyrbek Óskenbaev.

Vıtse-mınıstr áleýmettik nysandardyń jaǵdaıyna da toqtaldy. Jalpy qalada 66 áleýmettik nysan bar. Onyń 54-i bilim berý, 8-i densaýlyq saqtaý, tórteýi sport mekemeleri.

«Áleýmettik nysandardyń barlyǵy búlingen bolatyn. Olardyń 62-si kúrdeli jóndeýden ótip, tórteýi «Samuryq-Qazyna» AQ-nyń qarajatymen tolyq qalpyna keltiriledi. Qazirdiń ózinde 62 nysandy qalpyna keltirý jumystary júrip jatyr.  53 bilim berý, 6 densaýlyq, 3 sport nysanyn jóndeýge 30 kompanııadan 1372 qurylysshy men 57 arnaıy tehnıka tartylǵan», - dedi Qaıyrbek Óskenbaev.

Aldaǵy aptada olardyń qataryn taǵy 600-700 jumysshy tolyqtyrmaq.

Eske salsaq, búgin QR Premer-Mınıstri Asqar Mamın Arys qalasyndaǵy 300 oryndyq mektepke barǵan bolatyn.

Arystyqtarmen kezdesý barysynda Úkimet basshysy apta saıyn Arysqa kelip, jóndeý jumystaryn tekserip turatynyn aıtqan.

Kezdesýlerdiń birinde úıi, dúkeni jáne úsh kóligi órtenip ketken turǵyn Úkimet basshysynan kómek surady.

 

 

 

Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT