Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Asqar Mamın: Áleýmettik sharalar, eń aldymen, kómekke muqtaj azamattardy qoldaýǵa baǵyttalǵan

2019 jylǵy 2 shilde 10:43 1265
Bólisińiz:
Asqar Mamın: Áleýmettik sharalar, eń aldymen, kómekke muqtaj azamattardy qoldaýǵa baǵyttalǵan

NUR-SULTAN. QazAqparat - Shilde aıynyń sońyna deıin jumys isteıtin jastar arasynda turǵyn úıdi bólý erejelerin bekitý qajet. Bul týraly búgin Úkimet otyrysynda Premer-Mınıstri Asqar Mamın aıtty, dep habarlaıdy QazAqparat tilshisi.

"Prezıdent málimdegen áleýmettik sharalar kóp salanyn qamtıdy. Olary tolyq jáne ýaqytyly oryndaý úshin aldymen bir apta merzimde Eńbek jáne halyqty áleýmettik qorǵaý, Qarjy mınıstrlikteri Ulttyq bankpen birlesip, azamattyń boryshtyq júktemesin tómendetýge bólingen qarajatty paıdalaný jóninde jáne kepilsiz tutynýshylyq kredıtter boıynsha jınaqtalǵan aıyppuldar men ósimderdi esepten shyǵarý boıynsha tıisti tetikter men Úkimetke tıisti sheshim jobasyn engizýi kerek", -dedi Úkimet basshysy.

Onyń atap ótýinshe, "Eńbek"memlekettik baǵdarlamasy mıkrokredıt, memlekettik granttar berýdiń, oqytý jáne qaıta oqytý tetikterin, jumyssyzdardy jumysqa tartýdyń tıimdi quraly bolyp tabylady. Olardy keńinen paıdalaný úshin 50 mlrd teńge kózdelgen. Osy rette Eńbek mınıstrligi, ákimdikter jáne "Atameken" palatasy atalǵan  jumysty tıimdi uıymdastyrýy tıis.

"Halyqty jumyspen qamtý ortalyqtarynyń jumysyn jetildirý kerek. Ádettegideı jumyssyz adamdardy tirkeýmen ǵana shektelmeı, jumysqa ornalasýǵa muqtaj adamdardy izdeý jáne bos jumys oryndaryn toltyrýdyń belsendi formatyna kóshý qajet.  Eńbek mınıstrligi ákimdermen, "Atameken" palatasymen birlesip, bir aı merzimde jumyspen qamtý ortalyqtarynyń jańa reglamentin qabyldasyn", - dedi ol.

Premer-Mınıstr Aqparat jáne qoǵamdyq damý mınıstrligi aıdyń sońyna deıin jumys isteıtin jastar arasynda turǵyn úıdi bólý erejelerin bekitýi qajettigin aıtty.

"Indýstrııa jáne ınfraqurylymdyq damý mınıstrligi Turǵynúıqurylysjınaqbankimen birlesip, áleýmettik turǵydan az qamtylǵan otbasylarǵa  turǵyn úı satyp alý úshin jeńildikti nesıeler berýdi jedeldetsin", -dedi Asqar Mamın.

 

 

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT