Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Ashat Aımaǵambetov JOO rektorlaryna: Burynǵy eńbekterińizge qaramaımyz

2019 jylǵy 1 shilde 17:10 4190
Bólisińiz:
Ashat Aımaǵambetov JOO rektorlaryna: Burynǵy eńbekterińizge qaramaımyz

NUR-SULTAN. QazAqparat - QR Bilim jáne ǵylym mınıstri Ashat Aımaǵambetov salada joǵarydan berilgen tapsyrmalardyń oryndalmaýy jıilep ketkenin aıtty, dep habarlaıdy QazAqparat tilshisi.

Mınıstrdiń aıtýynsha, eldegi joǵary oqý oryndary men óńirlerdegi bilim basqarmalary Memleket basshysynyń, mınıstrlik pen Úkimettiń tapsyrmalaryn oryndaýda sylbyrlyq tanytyp otyr.

«Jumysqa kirisken eki apta ishinde saladaǵy jumys barysyn zerdelep, tıisti taldaý jumystaryn júrgizdik. Osy kezde kóptegen tapsyrmalardyń oryndalmaı jatqany anyqtaldy. Ýnıversıtet rektorlary men bilim basqarmasynyń basshylaryn osy sebepti búgin arnaıy shaqyrtyp otyrmyz», - dedi mınıstr arnaıy jıynda.

JOO rektorlaryn kezek-kezek turǵyzǵan mınıstr áshkerelengen zańsyzdyqtar boıynsha qyzmettik tekserý júrgiziletinin aıtty.

«Aýdıt barysynda 57 pýnkt boıynsha zańsyzdyq tabylǵan ýnıversıtetter bar.  Bir ýnıversıtet qyzmetkerlerdi konkýrssyz jumysqa qabyldaǵan. Endi bir bilim ordasy sabaqqa qatyspaǵan magıstranttardy prokýratýra aralasqannan keıin ǵana oqýdan shyǵarǵan. Bir ýnıversıtet 28 stýdentke, taǵy bir ýnıversıtet 128 stýdentke shákirtaqyny zańsyz taǵaıyndaǵan», - degen Ashat Aımaǵambetov qyzmettik tekserý osy atalǵan kemshilikterdi rastap shyqsa, jol bergen rektorlarǵa qatań sógis jarııalanatynyn eskertti.

«Qazir joǵary oqý oryndaryna da, bilim basqarmalaryna da halyq tarapynan shaǵym kóp. Keı oblystarda muǵalimderge zańdy eńbekaqysy men eńbek demalysynyń aqshasy áli aýdarylmaǵan. Jumysty júıelendirmesek, jalpy bilim salasyna el arasynda kóptegen ókpe-renish bar. Sony joıyp, bassyzdyqtardyń aldyn alý qajet. Olaı bolmaǵan jaǵdaıda buryn sińirgen qyzmetterińizge qaramaımyz», - dep túıdi Ashat Aımaǵambetov.

 

 

Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT