Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Áset Isekeshev Nazarbaev Ýnıversıtetiniń magıstranttaryna dıplom tabystady

2019 jylǵy 3 maýsym 14:41 793
Bólisińiz:
Áset Isekeshev Nazarbaev Ýnıversıtetiniń magıstranttaryna dıplom tabystady

NUR-SULTAN. QazAqparat - Bilikti basqarýshylarsyz myqty memleket qurý múmkin emes. QR Tuńǵysh Prezıdenti - Elbasy qorynyń atqarýshy dırektory Áset Isekeshev Nazarbaev Ýnıversıtetiniń Joǵarǵy memlekettik saıasat mektebiniń magıstrant túlekterin quttyqtaý kezinde osylaı dedi, dep habarlaıdy QazAqparat tilshisi.

Qordyń baspasóz qyzmetinen málim etkendeı, joǵarǵy mekteptiń 49 túlegi kópten kútken dıplomdaryn alyp, elge qyzmet etý jolyna aıaq basty. Mekteptiń ereksheligi - munda oqýdyń ınnovatsııalyq ádisteri engizilgen, álem boıynsha memlekettik saıasattyń úzdik mektepteriniń tájirıbesi bar. Kásibı bilim mektepte ekonomıkaǵa, saıasatqa, halyqaralyq qarym-qatynastarǵa, basqarý isine mańyz berile otyryp beriledi. Kóshbasshylyq daǵdyǵa erekshe nazar aýdarylady.

Mekteptiń jumysy aıasynda 2017 jyly iske qosylǵan memlekettik saıasat salasyndaǵy PhD baǵdarlamasy bar. Ol baǵdarlama akademııalyq kareraǵa nemese zertteý mekemelerinde jumys atqarýǵa nıetti jastar úshin ashylǵan.

Áset Isekeshev túlekterdi zamannyń ozyq ýnıversıtetin aıaqtaǵanymen  quttyqtaı otyryp, jastarǵa sáttilik tiledi.

«Sizder oqýdy el úshin eń mańyzdy kezeńde aıaqtap jatyrsyzdar. Qazirgi tańda Qazaqstanda ekonomıkada, áleýmettik salada, aımaqtyq saıasat pen memlekettik basqarý salasynda jańǵyrtý men reformalaý júrgizilýde. Osy jańǵyrtý jumystaryn sátti júrgizý úshin bizge jas basqarýshylar kerek. Bul týraly Elbasy Nursultan Ábishuly árdaıym aıtyp keledi. Bilikti basqarýshylarsyz myqty memleket qurý múmkin emes. Sizder memlekettik qyzmet salasynda laıyqty orynǵa ıe bolasyzdar dep senim bildiremin», - dedi ol.

Áset Isekeshev Nazarbaev Ýnıversıtetiniń magıstranttaryna dıplom tabystady
Áset Isekeshev Nazarbaev Ýnıversıtetiniń magıstranttaryna dıplom tabystady

Óz kezeginde Nazarbaev Ýnıversıtetiniń prezıdenti Shıgeo Katsý túlekterge árdaıym bilimge qushtarlyqpen eldiń patrıoty bola bilýge shaqyrdy.

«Bizdiń ýnıversıtet barshalaryńyzǵa bilim bere aldy degen senimdemin. Álbette, aılyq, aqshanyń mańyzy barshylyq. Dese de, eń aldymen, qoǵamyń damýyna úles qosýǵa tyryssańyzdar deımin», - dedi ol.

Áset Isekeshev Nazarbaev Ýnıversıtetiniń magıstranttaryna dıplom tabystady

Aıta ketsek, bıyl atalmysh ýnıversıtetti 963 stýdent aıaqtaıdy. Onyń ishinde 565 stýdent bakalavrıat baǵdarlamasy boıynsha, 378 stýdent magıstratýra baǵdarlamasy, 14-i - medıtsına doktory jáne 6 stýdent doktorantýra baǵdarlamasy boıynsha oqý bitirdi.


Áset Isekeshev Nazarbaev Ýnıversıtetiniń magıstranttaryna dıplom tabystady

 

Bizdiń kanalymyzǵa jazylyńyz:

Basty sózder: Nur-Sultan, JOO-lar, Azamattyq qoǵam,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT