Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Arysty qalpyna keltirý boıynsha keshendi 10 shara iske asyrylady - Mamın

2019 jylǵy 29 maýsym 18:42 951
Bólisińiz:
Arysty qalpyna keltirý boıynsha keshendi 10 shara iske asyrylady - Mamın

ARYS. QazAqparat - Arys qalasyndaǵy jaǵdaımen tanysqan QR Premer-Mınıstri Asqar Mamın tótenshe jaǵdaılar saldaryn joıý jónindegi Úkimettik komıssııa otyrysyn ótkizdi. Onyń quramyna mınıstrlikter men oblystyq ákimdikterdiń basshylary engen, dep habarlaıdy QazAqparat primeminister.kz saıtyna silteme jasap. 

Aǵymdaǵy jaǵdaı men tótenshe jaǵdaı saldaryn joıý boıynsha qabyldanyp jatqan sharalar týraly QR qorǵanys mınıstri N. Ermekbaev, ishki ister mınıstri E. Turǵymbaev, densaýlyq saqtaý mınıstri E. Birtanov, eńbek jáne halyqty áleýmettik qorǵaý mınıstri B. Saparbaev, bilim jáne ǵylym mınıstri A. Aımaǵambetov, ekologııa, geologııa jáne tabıǵı resýrstar mınıstri M. Myrzaǵalıev, Túrkistan oblysynyń ákimi Ó. Shókeev, Pavlodar oblysynyń ákimi B. Baqaýov  baıandady. 

QR Premer-Mınıstri A. Mamınge qazirgi ýaqytta qala aýmaǵyn ınjenerlik barlaý, mınasyzdandyrý boıynsha jumystar jalǵastyrylyp jatqany, órt sóndirý eskerilgeni, azamattardy óz úılerine qaıtarý jáne olardyń mal-múlkiniń qorǵalýyn qamtamasyz etý boıynsha sharalar qabyldanyp jatqany týraly baıandaldy. Aýmaqtarǵa júrgizilgen tekserýler ekologııalyq jaǵdaıǵa qaýip tónip turmaǵanyn kórsetti. 

«Ózderińiz biletindeı, Elbasy men Memleket basshysy qalany jedel qalpyna keltirýdi tapsyrǵan bolatyn. Bizge Arys qalasyn shuǵyl qalpyna keltirý boıynsha barlyq kúsh-jigerimizdi jumyldyrý qajet. Biz Arys qalasyndaǵy barlyq zaqym kórgen jáne buzylǵan nysandardy 2019 jyldyń 1 tamyzyna deıin jóndep bitýimiz kerek. Barlyq mindetter ońtaıly, sapaly ári ýaqytyly oryndalýy kerek», - dedi QR Premer-Mınıstri. 

Qalany qalpyna keltirýge elimizdiń barlyq óńirleri atsalysady. Zardap shekken turǵyn úı ǵımarattary oblystar arasynda bólinedi, olar qurylys brıgadalaryn jiberýi kerek. Arys qalasyna barlyq oblystardyń, Nur-Sultan jáne Almaty qalalalarynyń ákimderiniń orynbasarlary qurylys jumystaryn uıymdastyrý úshin keldi. Memlekettik materıaldyq qordan barlyq qurylys materıaldary bólingen. 

Keńes qorytyndysy boıynsha QR Úkimetiniń basshysy A. Mamın qalanyń tirshiligin qalypqa keltirý jáne onyń áleýmettik-ekonomıkalyq damýyn qamtamasyz etý úshin 10 keshendi sharany atap aıtty. 

1. Bir aı ishinde qaladaǵy barlyq turǵyn úılerdi jóndep bitirý;

2. Qosymsha áleýmettik qoldaý sharalary retinde qalanyń árbir turǵynyna (44 tys. 781 chelovek) bir mezettik 100 myń teńge kóleminde ótemaqy tóleý; 

3. Arys qalasynan 4 myń bala saýyqtyrý lagerlerine jiberiledi;

4. Áleýmettik nysandardy jóndeýdi ulttyq kompanııalardyń kómegimen iske asyrý kózdelgen, sondaı-aq qurylys jumystaryna iri ónerkásiptik kásiporyndar men bızens qaýymdastyq tartylatyn bolady. 66 áleýmettik nysandy «Samuryq-Qazyna» UÁQ» jóndeıdi. 

5. Bıznestiń áleýmettik jaýapkershiligi aıasynda 300-den astam ShOB kásipornyna «Atameken» UKP arqyly iri bıznes qarajaty esebinen qalpyna keltirý jáne jóndeý jumystarynda kómek kórsetiledi;  

6. Qala kásipkerlerine a.j. 1 shildesinen bastap 5 mln teńgege deıin jeńildikpen nesıeler beriledi. Bıylǵy jyldyń sońyna deıin salyqtyq kanıkýldar usynylady; 

7. Injenerlik ınfraqurylyma, elektrmen jabdyqtaý jáne baılanys QR Úkimetiniń qorynan qarajat esebinen qalpyna keltiriledi; 

8. Gaz jáne sýmen jabdyqtaý júıelerin jańǵyrtý jáne qaıta jóndeý josparlanǵan; 

9. Medıtsınalyq qyzmet kórsetý sapasyn arttyrý maqsatynda qala turǵyndaryna arnalǵan aýrýhana men eki emhana salynady; 

10. 2 apta boıy qarý-jaraqtar áketile bastaıdy. Arsenal qaıta ornalastyrylady. 

Aldyn ala baǵalaýlar boıynsha, 104 kópqabatty turǵyn úı, 7 200-ge jýyq jeke menshik úı, 14 mektep, 2 aýrýhana,  28 balabaqsha, aýmaqtyq memlekettik organdar ǵımarattary zardap shekken.

Aıta keteıik, búgin Premer-Mınıstri Asqar Mamın Arys qalasyna keldi. Respýblıkalyq komıssııanyń otyrysy barysynda qalanyń árbir turǵynyna 100 myń teńgeden beriletini aıtyldy. Sondaı-aq Arys tolyǵymen bir aıdyń kóleminde qalpyna keltirilip, jańadan aýrýhana boı kóteredi, gaz júıeleri tartylady. Jarylys saldarynan zardap shekken 7700-den astam turǵyn úı tolyq jóndeýden ótedi. Úkimet basshysy Arysty qalpyna keltirý boıynsha jumystardyń barlyǵyn sapaly ári ýaqytyly oryndaýdy tapsyrdy.

Eske sala ketsek, Arys qalasyndaǵy áskerı bólimniń qoımasynda 24 maýsym kúni tańerteń jarylys boldy. Saldarynan úsh adam qaza tapty  - Arys turǵyny men eki áskerı qyzmetshi. 170-ke jýyq adam zardap shekti.  20-ǵa jýyq úı, 9 qora-qopsy janyp, dalaly aýmaqta 14 oshaq tutandy. Úı-jaılar men ǵımarattardyń 80-90 paıyzyna ártúrli deńgeıde zaqym keldi. Birqatar óńirde shuǵyl jeliler quryldy.

Túrkistan oblysyna arnaıy barǵan Qazaqstan Prezıdenti Qasym-Jomart Toqaev Arystaǵy áskerı bólimshedegi oq-dári qoımasyndaǵy jarylystan zardap shekken qala turǵyndarymen kezdesip, qalanyń qalpyna keltiriletinine ýáde berdi. Sondaı-aq Elbasy Nursultan Nazarbaev Arystaǵy jaǵdaıǵa alańdaýshylyq bildirdi. Tuńǵysh Prezıdenttiń tóraǵalyǵymen Qaýipsizdik keńesiniń otyrysy ótip, onda Arys qalasyndaǵy ahýal talqylandy.

Úkimet otyrysynda Premer-Mınıstr Asqar Mamın jarylys saldarynan kóz jumǵandardyń týǵan-týystaryna kóńil aıtyp, turǵyndarǵa barlyq kómek kórsetiletinin aıtty.   Keltirilgen zalaldyń kólemi baǵalanyp, Úkimet rezervinen aqsha bólinedi.

Evakýatsııalaý kezinde myńnan astam ata-ana balarynan kóz jazyp qaldy. Sábılerdiń barlyǵy týys-týǵandaryna din-aman tapsyryldy.

Fakti boıynsha qylmystyq is qozǵady.

Qaladaǵy tótenshe jaǵdaı jolaýshylar poıyzdarynyń kestesine de áser etti, onyń ishinde halyqaralyq poıyzdar bar.

25 maýsym, saǵat 12.00-degi jaǵdaı boıynsha áskerı bólim aýmaǵynda jarylystar toqtady.  Degenmen, oq-dáriler saqtalatyn qoımalardyń aýmaǵynda byqsyǵan ottyń oshaqtary baıqalǵandyqtan, QR Іshki ister mınıstrligi jarylystardyń qaıtalaný qaýpi saqtalyp otyrǵanyn eskertti. QR Qorǵanys mınıstrliginiń áskerı-ınjenerlik qyzmetshileri Arys qalasyn mınadan tazalaý jumystaryn júrgizdi. Snarıadtardyń deni turǵyn úı alqaptaryna túsken.

Arys turǵyndaryna kómek qolyn sozý maqsatynda elimizde «Arys, biz birgemiz» aktsııasy bastaý aldy.

27 maýsym, keshki ýaqyttaǵy jaǵdaı boıynsha, Arysta órt oshaqtary tolyǵymen sóndirildi. Bul týraly jýrnalısterge arnalǵan brıfıngte málim etildi. Oǵan Túrkistan oblysynyń ákimi Ómirzaq Shókeev, «Nur Otan» partııasy Tóraǵasynyń birinshi orynbasary Máýlen Áshimbaev, QR Qorǵanys mınıstriniń orynbasary Baqyt Qurmanbaev, QR ІІM Tótenshe jaǵdaılar komıtetiniń tóraǵasy Vladımır Bekker, elimizdiń bas sanıtary Jandarbek Bekshın, prokýratýra jáne veterınarııa salasynyń ókilderi qatysty

Bas sanıtarlyq dáriger qalada radıatsııanyń mólsheri qalypty normada ekenin aıtty. Qoǵamdyq oryndar, qoqys konteınerleri, nysandar tolyq tazalanyp, dezınfektsııa júrgiziledi. Jarylǵan qoımada radıoaktıvti oq-dáriler bolmaǵanyn Qorǵanys mınıstrligi de málim etti. Qoımalarda boljammen 30-50 jarylys boldy. Qorǵanys vıtse-mınıstri Tımýr Dandybaev strategııalyq arsenal nelikten Arystaǵy turǵyn úı keshenine jaqyn ornalasqanyn túsindirdi.

27 maýsym kúngi aqparatqa sáıkes, qala kóshelerinen 5700-den astam áskerı snarıad tabyldy. Olar joıylý úshin kólikterge tıelip, daıyndaldy.  Jambyl jáne Qyzylorda oblystarynan kelgen arnaıy mamandar dezınfektsııalyq jumystar júrgizdi.

Al, 28 maýsym, tańerteńgi saǵat altydan bastap Shymkenttegi 53 evakýatsııalyq pýnktten Arys turǵyndary óz úılerine orala bastady.  Osy kúni keshki saǵat 18:00-degi jaǵdaı boıynsha, 14 myń arystyq úılerine jetti.

QR Qorǵanys mınıstrligi qala aýmaǵy jarylǵysh zattardan tolyq tazartylǵanyn málim etti. Degenmen, saperlar jumystaryn jalǵastyratyn bolady.

28 maýsym kúni QR Ekologııa, geologııa jáne tabıǵı resýrstar mınıstri Maǵzum Myrzaǵalıev Arystaǵy atmosferalyq aýanyń taza, sý jáne topyraqtyń lastanbaǵanyn, radıatsııanyń joqtyǵyn taǵy bir málimdedi.

Arys temirjol stantsııasynyń bas joldarynda qozǵalys qalpyna keltirildi.

Túrkistan oblysynyń ákimi Ómirzaq Shókeev bir aı boıy Arys qalasynda turyp, qalany qalpyna keltirý jumystaryn jeke qadaǵalaıtyny anyqtaldy.

29 maýsym, tańerteńgi ýaqyttaǵy jaǵdaı boıynsha, Shymkent qalasy men Túrkistan oblysynyń aýdandaryndaǵy evakýatsııalyq beketterde bolǵan Arys turǵyndary tolyǵymen úılerine oraldy.

 

 

 

 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT