Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Arystanbek Muhamedıuly jańa qyzmetke taǵaıyndaldy

2019 jylǵy 10 shilde 20:17 1749
Bólisińiz:
Arystanbek Muhamedıuly jańa qyzmetke taǵaıyndaldy

NUR-SULTAN. QazAqparat - Memleket basshysynyń Ókimimen Arystanbek Muhamedıuly Qazaqstan Respýblıkasynyń Ulttyq mýzeıiniń dırektory qyzmetine taǵaıyndaldy, dep habarlaıdy Aqorda.

Sondaı-aq, Memleket basshysynyń taǵy bir Ókimimen Almaz Shaıkenuly Nurazhan Qazaqstan Respýblıkasynyń Ulttyq mýzeıiniń dırektory qyzmetinen bosatyldy.

Arystanbek Muhamedıuly 1963 jyly 11 aqpan kúni Almaty oblysy Talǵar aýdanynda dúnıege kelgen. QR eńbek sińirgen qaıratkeri, «Qurmet» ordeniniń ıegeri. Birneshe márte QR Prezıdenti N.Nazarbaevtyń alǵys hatymen marapattalǵan.

Mádenıet salasynda «World master» joǵary ataǵyna ıe. Bunyń aldynda 2008 jyldan beri T.Júrgenov atyndaǵy Qazaq ulttyq óner akademııasynyń rektory qyzmetin atqarǵan. Óziniń eńbek jolyn 1984 jyly Jambyl atyndaǵy Qazaq memlekettik fılarmonııasynyń memlekettik sımfonııalyq orkestriniń artisi bolyp bastaǵan. 1991-1993 jyldary aralyǵynda Mádenıet mınıstrliginde maman boldy. 1993 jyly QR Mádenıet mınıstriniń kómekshisi bolyp taǵaıyndaldy. Ár jyldary QR Prezıdentiniń orkestrinde qyzmet atqardy. Sonymen qatar «Qazaq áýenderi» AQ-na basshylyq etti.

2006 jyly QR Mádenıet jáne aqparat vıtse-mınıstri bolyp jumys jasady.

Sondaı-aq, ol QR Prezıdenti Ákimshiliginiń ishki saıasat bóliminiń mádenıet sektorynyń meńgerýshisi bolǵan. 

2014 jyldan 2019 jyldyń maýsym aıyna deıin Mádenıet jáne sport mınıstri qyzmetin atqarǵan.

 

 

Bizdiń kanalymyzǵa jazylyńyz:

Basty sózder: Aqorda, Taǵaıyndaý,
Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT