Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Arystaǵy 470 nysandy qalpyna keltirýge Aqmola oblysy kómektesedi

2019 jylǵy 2 shilde 23:20 682
Bólisińiz:
Arystaǵy 470 nysandy qalpyna keltirýge Aqmola oblysy kómektesedi

KÓKShETAÝ.  QazAqparat - Arystaǵy 470 nysandy qalpyna keltirýge Aqmola oblysy kómektesedi. Bul týraly óńirlik kommýnıkatsııalar qyzmetinde jýrnalıstermen ótken brıfıngte aımaq basshysy Ermek Marjyqpaev aıtty,  dep habarlaıdy QazAqparat tilshisi. 

Brıfıngte aımaq basshysy Arys qalasynyń turǵyndaryna tótenshe jaǵdaı oryn alǵan kúnnen beri kórsetilgen jáne aldaǵy ýaqytta kórsetiletin gýmanıtarlyq kómek-qoldaý týraly aıtyp berdi.

"Memleket basshysy Qasym-Jomart  Toqaevtyń Arys qalasyna sapary barysynda bergen basym tapsyrmalarynyń biri turǵyn úı qory men áleýmettik nysandardy birinshi kezekte qalpyna keltirý bolyp tabylady. Osyǵan baılanysty, maýsymyń 27-nen bastap meniń orynbasarym Asqar Muratuly bastaǵan jumys toby Arys qalasyndaǵy turǵyn úıler men ınfraqurylym nysandaryn qalpyna keltirý úshin Arys qalasynda júr. Búgingi tańda 470 nysandy tekserý júrgizilýde, onyń ishinde 205 turǵyn úı, 3 áleýmettik jáne 10 kommertsııalyq nysan jóndeý-qalpyna keltirý jumystaryn júrgizýdi talap etedi. Qazirgi ýaqytta ýchaskede 5 kompanııa jumys isteıdi", - dedi oblys ákimi.

Aımaq basshysy Ermek Marjyqpaev atap ótkendeı,  barlyq qajetti qarajat jergilikti bıýdjetten bólinetin bolady.

Aıta ketý kerek,  Memleket basshysy Qasym-Jomart  Toqaevtyń tapsyrmasyna sáıkes,  Arys qalasynan 500-den astam bala Aqmola oblysyndaǵy balalar lageri men saýyqtyrý ortalyqtarynda demalatyn bolady. Qazirgi kezde,  145 baladan turatyn alǵashqy toby Býrabaı kýrortyndaǵy "Zvezdnyı" jáne "Samuryq" balalar lagerinde demalyp jatyr. 

 

 

Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT