Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 378.60 EUR 417.75
RUB 6.13 CNY 54.58
Jańalyqtar

Arysta aýyl sharýashylyǵy ónimderiniń jármeńkesi ótti

2019 jylǵy 12 shilde 10:34 470
Bólisińiz:
Arysta aýyl sharýashylyǵy ónimderiniń jármeńkesi ótti

TÚRKІSTAN. QazAqparat - Túrkistan oblysy ákimdiginiń qoldaýymen búgin Arys qalasynda aýyl sharýashylyǵy ónimderiniń jármeńkesi ótti, dep habarlaıdy oblys ákimiginiń baspasóz qyzmeti.

Baspasóz málimetterine qaraǵanda, jármeńkede jergilikti 50 shaqty taýar óndirýshiler 200 tonnaǵa jýyq ónimderin usyndy. Taýarlar qala turǵyndaryna bazar narqynan 30% tómen baǵada satylymǵa tústi. Jınalǵan ónimderdiń jalpy quny 67 mln. teńgeden asady.

Jármeńkege jetkiziletin ónimder barlyq aýdan, qalalardan damý basymdylyqtaryna sáıkes jınaqtalǵan. Ondaǵy et jáne et ónimderiniń jalpy kólemi - 37,5 tonna, kókónis - 55 tonna, sút ónimderi - 24,4 tonna, baqsha ónimderi - 41 tonna, jemis-jıdektiń jalpy kólemi - 16,7 tonna, 2 tonna ásel, 5 tonna balyq, 14 tonna ózge de aýyl sharýashylyǵy ónimderi usynyldy.

Budan bólek, aýyl sharýashylyǵy salasynyń túrli baǵyttarynda jumys isteıtin óńirlik iri kásiporyndar óz ónimderin jármeńkege alyp keldi. Atap aıtqanda, «Amankeldi» JShS (Qazyǵurt aýdany), «Asyl tuqymdy Ordabasy eshki sút ónimderi» JShS (Ordabasy aýdany), «Bórte mılka» JShS (Ordabasy aýdany), «Dala fruit.kz» JShS (Saıram aýdany), «Qaıyp ata» JShS (Qazyǵurt aýdany), «Ordabasy qus» (Ordabasy aýdany), «Hamıt» STK (Shardara aýdany) jáne taǵy basqa 22 kásiporyn óz ónimderin usyndy.

Arysta aýyl sharýashylyǵy ónimderiniń jármeńkesi ótti 

Arystyq turǵyndarǵa arnalǵan jármeńkege arnaıy Tólebı aýdanynan ónerpazdar qatysyp, óz kontserttik baǵdarlamalaryn kórsetti.

 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT