Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Arysta 340 úıdiń jóndeý jumysy aıaqtaldy

2019 jylǵy 8 shilde 15:15 675
Bólisińiz:
Arysta 340 úıdiń jóndeý jumysy aıaqtaldy

ARYS. QazAqparat - Búgin Arysta oblys ákimi apparatynyń kezekti selektorlyq jıynynda Arys qalasyn qalpyna keltirý jumystary talqylandy, dep habarlaıdy QazAqparat óńir basshysynyń baspasóz qyzmeitne silteme jasap.

Búginde qaladaǵy 8371 baspana alynyp, onyń 6977-si jóndeletin boldy. Onyń ishinde 149 úı basynan salynady. Bul sandar ózgerýi de múmkin. Qazirgi tańda 340 úıdiń qurylys jumysy tolyq aıaqtalyp, ıelerine tapsyrylǵan.

 «Arysta 2194 úıdi qalypqa keltirý jumysy qyzý júrip jatyr. Qalǵan 4500-den astam baspananyń jumystary osy aptada bastalady. Jalpy bul jumystarǵa 168 merdiger kompanııa quramynda 3531 qurylysshy tartylǵan. Barlyq sektorlardy kún saıyn aralap, turǵyndardyń talap-tilegin tyńdap júrmiz», - dedi QR Indýstrııa jáne ınfraqurylymdyq damý birinshi vıtse-mınıstri Q.Óskenbaev. Oblys basshysy osy oraıda óńir xalqyn qajetinshe tartyp, ári jumyspen qamtýdy da tapsyrdy.

Arysta 340 úıdiń jóndeý jumysy aıaqtaldy 

Arystaǵy zaqymdanǵan 66 áleýmettik nysannyń 62-sinde «Samuryq-Qazyna» qory jóndeý jumystaryn bastady. Munyń 54-in bilim ǵımarattary quraıdy. Bular da jańa oqý jylyna tolyq aıaqtalýy tıis. Sonymen birge «Atameken» ulttyq kásipkerler palatasy zardap shekken 456 kásipkerlik nysandy qalpyna keltirý sharalaryna kirisip ketti.

Arysta 340 úıdiń jóndeý jumysy aıaqtaldy 

Óńir basshysy Ómirzaq Shókeev qurylysty jospardan kesheýildetip jatqan birneshe sektorǵa jaýapty basshylarǵa jumysty shıratýdy tapsyrdy. Atap aıtsaq, Qostanaı, Aqmola, SQO jáne Aqtóbe oblystarynyń ókilderine jospardan qalmaý kerektigin eskertti. Sondaı-aq Arys qalasynyń zııaly qaýymy men belsendi azamattaryn, jergilikti atqarýshy organ men depýtattaryn, aqsaqaldaryn da belsendi bolýǵa shaqyrdy.

Arysta 340 úıdiń jóndeý jumysy aıaqtaldy  

 Turǵyndar úılerine oralǵannan beri 10 kún ishinde barlyq sharýalardy bir júıege keltirip aldyq. Ózge óńirlerden kelgen qurylysshylarǵa 40 gradýs ystyqta jumys isteý ońaı emes. Sondyqtan olarǵa jergilikti turǵyndar da qoldaý kórsetip, qalany kórkeıtýge atsalyssyn», - degen óńir basshysy barlyq jaýapty basshylar men mamandarǵa jumysty kúsheıtip, sapaly ári ýaqtyly aıaqtaýdy tapsyrdy. 

Arysta 340 úıdiń jóndeý jumysy aıaqtaldy 

 

 

Bizdiń kanalymyzǵa jazylyńyz:

Basty sózder: Arystaǵy jarylys, Ákimdik, Qurylys,
Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT