Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Arysqa oralǵan turǵyndardy qandaı másele mazalaıdy

2019 jylǵy 28 maýsym 10:53 948
Bólisińiz:
Arysqa oralǵan turǵyndardy qandaı másele mazalaıdy

ShYMKENT. QazAqparat - Jarylys bolǵan Arys qalasynyń turǵyndary búgin jappaı úılerine oralyp jatyr. Kútpegen jerden tótenshe jaǵdaıǵa tap bolǵan jurtty qazir qandaı máseleler mazalaıtyny belgili boldy, dep habarlaıdy QazAqparat tilshisi.

Arys qalasynyń turǵyny Aınur Muratbekovanyń aıtýynsha, ony eń aldymen baspanasynyń jaǵdaıy mazalaıdy.

«Úıimniń esigi men terezesi synǵanyn bildim, bireýlerdiń úıi órtenip ketken dep jatyr. Ortasyna túsp ketken dep aıtylýda. Úıden qashqanda qujattarymdy da alyp úlgermegen edim, onyń da bar- joqtyǵyn bilmeı turmyn. Qaltamda azyn aýlaq bolsa da qarajatym joq. Barǵanda tym bolmasa as aýqat alý da muń bolyp tur. Buryn áskerı bólimde jumys isteıtin edim, keıin qysqartyp jiberdi. Toıhanaǵa jumysqa turǵan em, olar da qırap jatyr dep estidim. Soǵan qaraǵanda jaqyn arada jumysym da bolmaıtyn sııaqty. Úıde jalǵyz ózim turatyndyqtan senetin adamym da bolmaı tur»,- deıdi Aınur Muratbekova.
Arysqa oralǵan turǵyndardy qandaı másele mazalaıdy 

Al, Jansulý Baımahanova óziniń balalaryna  alańdap otyrǵanyn aıtady. Olarǵa as aýqat taýyp berý, jatatyn oryn tabý jaǵy jas kelinshekke qıyndyq týǵyzyp otyr eken. 

«Bizdiń úıimiz áskerı bólimge jaqyn jerge ornalasqan. Іnim baryp kórgen eken, qırap qalypty. Dýaldary kóship, terezeleri synyp ketipti. Basqa baratyn jerimiz joq. Onyń ústine aqsham da joq. Kishkentaı sábıime tamaq taýyp berýim kerek»,- deıdi Jansulý Baımahanova.

82 jastaǵy qarııa Myrzaly Sıqymbaevty da baspana máselesi mazalaıdy. Zeınetkerdiń aıtýynsha, jarylys bolǵanda Shymkenttegi týystaryn panalap ketken. Alaıda segiz jan bir úıge syımaǵandyqtan, ár kúni ár týysynyń úıinde túnegen. Búgin kóshirip jatyr degen sońǵ Arysqa jetýge asyǵyp otyr.

«Bárimiz toqyrlap ár úıde qashanǵy jatamyz. Keteıik dedim Arysqa. Búgin býynyp-túıinip jolǵa shyqtyq bala-shaǵamyzben. Úıimiz qandaı blsa da tazalap, kirip alamyz. Kómek bolsa boldy, bolmasa amaldaımyz da»,- deıdi qarııa. 


Arysqa oralǵan turǵyndardy qandaı másele mazalaıdy 
Arysqa oralǵan turǵyndardy qandaı másele mazalaıdy 

 

Bizdiń kanalymyzǵa jazylyńyz:

Basty sózder: Arystaǵy jarylys, Qoǵam, Shymkent,
Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT