Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Arys qalasyn qalpyna keltirýge qansha qarjy kerektigi naqtylandy

2019 jylǵy 4 shilde 11:04 1915
Bólisińiz:
Arys qalasyn qalpyna keltirýge qansha qarjy kerektigi naqtylandy

NUR-SULTAN. QazAqparat - Parlament Senatynyń jalpy otyrysynda Arys qalasyndaǵy nysandardy qalpyna keltirýge qansha qarjy bólinetini aıtyldy, dep habarlaıdy QazAqparat tilshisi.

Jalpy otyrys barysynda senator Álı Bektaev Úkimet rezervin 72,2 mlrd teńgege ulǵaıtý eskerilip otyrǵanyn aıta kele, osy qarjynyń qaı bóligi Arystaǵy tótenshe jaǵdaı saldaryn joıýǵa jumsalatynyn surady.

Óz kezeginde QR Premer-Mınıstriniń birinshi orynbasary-Qarjy mınıstri Álıhan Smaıylov Arys qalasyna qajetti qarjy boıynsha aldyn ala esepteýler júrgizilgenin atap ótti.

«Arys qalasy boıynsha 1 shildedegi aldyn ala esepteýlerge sáıkes, 34,5 mlrd teńge kerek. Sonyń ishinde árbir turǵynǵa 100 myń teńge mólsherinde aqshalaı ótemaqy tóleý úshin 4,5 mlrd teńge eskerilgen. Osy oraıda Úkimet rezervinen 2 mlrd teńge, Túrkistan oblysy bıýdjetinen 1 mlrd teńge jáne qaıyrymdylyq kómek esebinen 1,5 mlrd teńge qamtylǵan», - dedi mınıstr.

Onyń sózine qaraǵanda, 7 709 turǵyn úıdi qalpyna keltirý qarastyrylǵan. Sonyń ishinde 49 úı qıraǵan.

«19,2 mlrd teńge kerek. Onyń 50 paıyzy basqa óńirlerdiń bıýdjeti esebinen bolady, al qalǵan 50 paıyzy Úkimet rezervinen bólinedi. 66 áleýmettik nysandy qalpyna keltirýge 7 mlrd teńge kerek. Bul turǵyda 54 bilim berý, 8 densaýlyq saqtaý, 4 sport nysany qamtylady. 6 mlrd teńgesin «Samuryq-Qazyna» qory bóledi jáne 1 mlrd teńge bıznes qaýymdastyqtan keledi», - dep túsindirdi Úkimet basshysynyń birinshi orynbasary.

Sýmen jáne elektr qýatymen, jylýmen jabdyqtaý ınfraqurylymyn jóndeý úshin 2,2 mlrd teńge Úkimet rezervinen bólinedi. Ákimshilik 34 ǵımarat úshin 1,7 mlrd teńge kerek, ol da Úkimet rezervinen bólinedi.

«Nátıjesinde, Úkimet rezervinen 15,5 mlrd teńge, jergilikti bıýdjetterden 10,6 mlrd teńge, «Samuryq-Qazyna» qorynan 6 mlrd teńge, demeýshilik jáne qaıyrymdylyq kómek esebinen 2,5 mlrd teńge josparlanyp otyr. Degenmen, barlyq tekserý jáne esepteý jumystary aıaqtalǵannan keıin, bul tsıfrlar ózgerýi múmkin. Sonymen birge, Arys qalasynyń shaǵyn jáne orta bıznesi úshin «Báıterek» holdıngi tarapynan alty aılyq jeńildik kezeńimen 48 aıǵa deıin bir paıyz mólsherleme boıynsha 5 mln teńgege deıin jeńildik nesıe beriletin bolady», - dedi ol.

 

 

Bizdiń kanalymyzǵa jazylyńyz:

Basty sózder: Senat, Arystaǵy jarylys, Qarjy,
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT