Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 385.76 EUR 427.89
RUB 6.04 CNY 54.79
Jańalyqtar

Árbir kásipker aımaqtyń damýyna belsendi qatysýy kerek- depýtat

2019 jylǵy 13 shilde 00:26 240
Bólisińiz:
Árbir kásipker aımaqtyń damýyna belsendi qatysýy kerek- depýtat

PETROPAVL. QazAqparat - Shildeniń 9-ynan bastap QR Parlament Májilisiniń depýttary aýyldy aralap, halyqpen kezdesip, memlekettik baǵdarlamalardyń nátıjeli oryndalýyn baqylaýǵa aldy, dep habarlaıdy QazAqparat tilshisi.

Soltústik Qazaqstan oblysynda Parlament Májilisiniń depýtattary Záýresh Amanjolova, Janat Omarbekova, Gúlnara Bıjanova jáne Káribaı Musyrman júr. Olar Maǵjan Jumabaev aýdanyndaǵy isi órge basqan sharýashylyqtardyń biri - «Noǵaıbaı» JShS-nde boldy. Seriktestik dándi, maıly jáne azyqtyq daqyldardy ósirýmen aınalysady. Jalpy egis alqaby - 12 myń ga astam. Sharýashylyqta 34 adam eńbek etedi, ortasha eńbekaqylary 105 myń teńge.

JShS dırektory Altynbek Saparov Noǵaıbaı aýylynyń gúldenýine eleýli úles qosyp keledi. Kásipker aýylynda saıabaq ashyp, jastarǵa fýtbol jáne basketbol, sondaı-aq jattyǵý alańdaryn salyp bergen. Demalys ortalyǵy men kitaphana jumys isteıdi.

Aýylda adamnyń jaqsy turmysyna kerektiń bári bar. Byltyr feldsherlik pýnkt ashyldy. Ár úıge sý kirgizilgen. Jol bar, jyl saıyn jańa turǵyn úıler salynyp jatyr.  Budan basqa kásipker qaıyrymdylyqpen belsendi aınalysady. Byltyr metsenattyqty damytýǵa qosqan úlesi arqasynda Altynbek Saparov «Jomart júrek» respýblıkalyq baıqaýynyń jeńimpazy atandy.

«Búgin mine Noǵaıbaı aýylyndamyz. Bul buryn keńshardyń bólimshesi bolǵan shaǵyn aýyl edi. Osy eldiń azamaty Altynbek Saparov sharýashylyǵyn ǵana damytyp qoımaı, óz aýylynyń kórkeıýine de zor úles qosyp jatyr. Altynbek sııaqty azamattardyń isi basqalarǵa úlgi. Olaı bolsa aýyldar tozbaıdy, saqtalady, ósip órkendeıdi. Soǵyn meniń kózim jetip otyr», - dedi Káribaı Musyrman.

Bıyl bul aýylǵa ońtústikten 3 otbasy kóship keledi degen jospar bar. Olarǵa kele salysymen jańa turǵyn úı berilmek. Noǵaıbaıǵa ońtústikten qonys aýdarǵan otbasylardyń sany  onnan asady. Kásipker aýylǵa kóship kelgenderge bar jaǵdaıdy jasap, seriktestikke jumysqa alady. Basty maqsat aýyldy damytý, kórkeıtý, ekonomıkalyq áleýetin arttyrý.

«Árbir kásipker aımaqtyń áleýmettik-ekonomıkalyq damýyna belsendi qatysyp, óz kómegin kórsetýi tıis. Sondyqtan osyndaı úlgige bizdiń kásipkerlerimizdiń kópshiligi súıenýi tıis», - dep atap ótti sapar barysynda Májilis depýtaty Káribaı Musyrman.

 

 

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT