Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 378.60 EUR 417.75
RUB 6.13 CNY 54.58
Jańalyqtar

Altaı Kólginov astanalyq energetıkterdiń jumysyn synǵa aldy

2019 jylǵy 12 shilde 09:01 503
Bólisińiz:
Altaı Kólginov astanalyq energetıkterdiń jumysyn synǵa aldy

NUR-SULTAN. QazAqparat - Nur-Sultan ákimi Altaı Kólginov astanany gazben qamtý boıynsha ótken otyrysta astanalyq energetıkterdiń jumysyn synǵa aldy, dep habarlaıdy QazAqparat qala ákimdiginiń resmı saıtyna silteme jasap.

Ákim Altaı Kólginov TEO-2 stantsııasyna baryp, astanany gazdandyrý máselelerine qatysty kóshpeli otyrys ótkizdi.

Otyrysta áli joba-smetalyq qujattamalardyń daıyn emes ekendigi anyqtaldy. Saraptamadan ótkizilmegen. Qazirgi kezde konkýrstarǵa qatysty sot daýlary ótip jatyr. Keıbir jobalar boıynsha áli de konkýrs jarııalanbaǵan. Osynyń bári jaýapty qurylymdardyń bir-birimen kelispeı jasaǵan áreketterinen týyndap otyr.

Otyrysta aldaǵy jylý maýsymyna kómir jetkizý, «TEO-1 jáne TEO-2 stantsııalaryn keńeıtý jáne kúrdeli jóndeý» jobasynyń aıasynda jasalǵan qondyrǵylardy «Astana-Energııa» AQ teńgerimine berý máseleleri talqylandy.

Astanadaǵy TEO stantsııalaryn gazdandyrý jobasynyń 1-kezegi 2019-2021 jyldary iske asyrylýy tıis ekendigi aıtyldy. Osy kezeńde qalanyń 633,67 mln tekshe metri gaz tutynýy josparlanǵan. Bul jospardaǵy jalpy mólsherdiń 96%-yn (658,15 mln tekshe metr) qamtıdy.

Ákim qazandyq agregattaryna NID tehnologııalaryn engizý jumystaryn baqylaýdy tapsyrdy. Bul tehnologııalar qorshaǵan ortaǵa shyǵarylatyn zııandy zattar mólsherin qysqartýy tıis.

«TEO-1 men TEO-2 - astanaǵa ómir berip turǵan strategııalyq nysandar. «Astana-Energııa» AQ basshylyǵy kelisim jasalmaǵan máselelerdi shuǵyl retteýi tıis. Biz jylý elektr stantsııalaryn gaz qabyldaýǵa daıyndaýǵa tıispiz. Ár bólimshe apta saıyn atqarylǵan jumystyń esebin beretin bolsyn», - dedi ákim.


Altaı Kólginov astanalyq energetıkterdiń jumysyn synǵa aldy

 

Bizdiń kanalymyzǵa jazylyńyz:

Basty sózder: Ákim, Ákimdik, Energetıka, Nur-Sultan,
Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT