Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Almatydan Arysqa kómek kerýeni jolǵa shyǵady

2019 jylǵy 26 maýsym 16:53 1284
Bólisińiz:
Almatydan Arysqa kómek kerýeni jolǵa shyǵady

NUR-SULTAN. QazAqparat - Kómek kerýenin Almatyda Qazaqstan halqy Assambleıasy qurǵan shtab jóneltkeli otyr, dep habarlaıdy QazAqparat tilshisi.

«Birinshiden, osy aýyr kúnderde qaza tapqan jandardyń týǵan-týystaryna Qazaqstan halqy Assambleıasy músheleri atynan kóńil aıtamyn. 2-3 kún boldy.  Qazaqstan halqynyń basyna shyn máninde óte aýyr kún týdy. Arys qalasynda bolǵan oqıǵa - bizdiń qazaqstandyqtardyń bárin oıatty. Biz Qazaqstan uıǵyrlary etnomádenı ortalyǵy oqıǵadan soń birden selektorlyq jınalys ótkizip, sol saǵattan bastap Arystaǵy baýyrlarymyzben bir qatarda boldyq. Alǵashqy sátten bastap kómekti berdik, berip te jatyrmyz. Qazaqstan uıǵyrlary etnomádenı ortalyǵynyń Túrkistan oblysyndaǵy jáne Shymkenttegi fılıaly atsalysty», - dedi Parlament Májilisiniń depýtaty, QHA keńesiniń múshesi, Qazaqstan uıǵyrlary etnomádenı ortalyǵynyń tóraǵasy Shaımardan Nurymov OKQ-da ótken baspasóz máslıhatynda.

Májilis depýtaty uıǵyr ortalyǵy Arysqa sý tasyp, birden 1000 gambýrger aparǵanyn tilge tıek etti.

«Basqa etnomádenı ortalyqtarymen, bólimshelermen birge kóshirilgen halyqqa úılerin bosatyp berdi. Olardy tamaqpen qamtamasyz etip jatyr. Qazir de Shymkenttegi 26-shy mektepte 125 kóship kelgen arystyq týystarǵa qamqorlyq jasap jatyr», - dedi ol.

Shaımardan Nurymovtyń aıtýyna qaraǵanda, qazirgi ýaqytta Almatydaǵy Dostyq úıinde QHA shtaby qurylyp, ol shtab Arysta japa shekken halyqqa kómek berýdi kózdep otyr.

«Shtab aqsha men tamaq, kıim-keshek, qurylys materıaldaryn jiberip, tyǵyz jumys júrgizip jatyr. Qudaı qalasa, erteń Almatydan Arysqa birneshe kólikten quralǵan kerýen jiberemiz dep jatyrmyz. Jumys jalǵasady», - dedi depýtat.

 

 

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT