Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 377.29 EUR 418.41
RUB 6.09 CNY 54.66
Jańalyqtar

Almatyda júrgizýshisi joq avtobýs anasy men balasyn qaǵyp ketti

2019 jylǵy 12 shilde 11:05 773
Bólisińiz:
Almatyda júrgizýshisi joq avtobýs anasy men balasyn qaǵyp ketti

ALMATY. QazAqparat - Áleýmettik jelide Almatyda anasy men balasyn qaqqan, júrgizýshisi joq avtobýstyń vıdeosy paıda boldy, dep habarlaıdy QazAqparat tilshisi.

Áleýmettik jelide paıda bolǵan beınekóriniste avtobýstyń ishinde bolyp jatqan oqıǵalar beınelengen. Qoǵamdyq kólik qozǵalyp barady, al esigi ashyq. Syrtqa shyǵýǵa umtylǵan balaly kelinshek súrinip, qulap kamera obektıvinen joǵalyp ketedi. Soǵan qaramastan avtobýs qozǵalysyn jalǵastyra berdi. Tek birneshe sekýndtardan keıin toqtaıdy.

Belgili bolǵanyndaı, avtobýsttyń  óz betimen qozǵalýyna jol-kólik oqıǵasy sebep bolǵan. Júrgizýshi toqtap, syrtqa shyqqanda, avtobýs ornynan qozǵalyp ketken.

Oqıǵa 1 shilde kúni Alataý aýdandyq HQKO janynda boldy.

Kýágerlerdiń aıtýynsha, 122 nómirli avtobýs bir sáttke júrgizýshisiz júrip bara jatqan.  Sol kezde qoǵamdyq kólikten shyqpaq bolǵan balaly kelinshek dóńgelekttiń astyna túsip ketken.

Almaty qalalyq qoǵamdyq densaýlyq saqtaý basqarmasynyń aqparatyna sáıkes, áıeldi №7 qalalyq klınıkalyq aýrýhanaǵa jetkizgen.  Bet-terisi syrylǵan, jambasy synǵan degen dıagnoz qoıyldy. Bala jedel shuǵyl kómek kórsetý aýrýhanasyna jetkizildi. Kópsalaly hırýrgtar brıgadasy  ony tolyqtaı tekserýden ótkizdi.

«Aldyn ala dıagnoz qoıyldy: aýyr jaraqat, jabyq bas jaraqaty, mı shaıqalýy, ish qurylysttyń  zaqymdanýy, keýde jaraqaty, keýde súıeginiń joǵarǵy bóliginiń  jaraqaty, bet terisiniń syrylýy, I-II dárejeli travmatıkalyq shoshyný bolǵan», - dep habarlady Almaty qalalyq qoǵamdyq densaýlyq  saqtaý basqarmasy.

 

 

 

Bizdiń kanalymyzǵa jazylyńyz:

Basty sózder: Almaty, Kólik, Oqıǵa,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT