Almatyda Shámshi Qaldaıaqov pen Balýan Sholaqqa eskertkish ornatylady

ALMATY. QazAqparat - Almatyda kompozıtor, vals patshasy Shámshi Qaldaıaqov pen halyq kompozıtory, aıtysker-aqyn, erekshe kúsh ıesi Balýan Sholaqqa eskertkish ornatylady. Búgin qala ákimi Baýyrjan Baıbek eskertkishterdiń eskızimen tanysty, dep habarlaıdy QazAqparat tilshisi.

Arnaıy komıssııa ashyq baıqaý boıynsha 50 ótinimdi qabyldady.

Shámshi Qaldaıaqovqa qola eskertkish bıylǵy jyl sońynda Respýblıka saraıy men «Qazaqstan» qonaqúıiniń arasynda ornatylady.

Al ataqty palýannyń músini kúz aıynda Balýan Sholaq atyndaǵy sport saraıynyń aldynda boı kóteredi.

Sonymen qatar, qazaq folklorynyń keıipkerlerin máńgilik etý maqsatynda mahabbat sımvoly - Tólegen men Qyz Jibekke eskertkish ornatylmaq.

Joba avtorlary - qazaqstandyq sýretshiler Sanjar men Janel Jubanovtar.

«Gravıýra salar kezde myńdaǵan jyl boıy kún sáýlesi mújilgen quzdyń tasy paıdalanyldy. Endi ár almatylyq bizdiń ulttyq muramyzben tanysa alady»,- dedi Sanjar Jubanov.  

Ekspozıtsııamen tanysqan ákim alańdardy abattandyrýdy tapsyrdy.