Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Almatyda saq mádenıetine arnalǵan halyqaralyq ortalyq ashylady

2019 jylǵy 3 maýsym 21:30 2584
Bólisińiz:
Almatyda saq mádenıetine arnalǵan halyqaralyq ortalyq ashylady

ALMATY. QazAqparat - Kelesi jyly Almatyda saq mádenıetine arnalǵan «Boraldaı saq qorǵany» atty halyqaralyq ortalyq ashylady. Bul týraly qalalyq týrızm basqarmasynyń týrızmdi ilgeriletý bóliminiń basshysy Aslan Qońyrhanov QazAqparat tilshisine bergen suhbatynda málim etti.

«Almatyda etnotýrızmdi damytý maqsatynda keler jyly qaladaǵy «Qazaqfılmniń» aýmaǵynda etnoaýyldyń qurylysy bastalady. Bizdiń ony «Ethnoland» dep atadyq. Qurylysy 2020 jyly bastalatyn keshenniń aýmaǵy 5 gektardan asyp jyǵylady. Onyń ishinde myńjyldyq tarıhy bar Almaty qalasynyń tarıhy jáne mádenıetimen tanystyratyn túrli baǵyttaǵy jobalar júzege asyrylady. Sonymen qatar, qaladaǵy aıtýly sharalar da sol jerde ótkiziletin bolady. Jáne fılm túsirýde josparda bar», - dedi A.Qońyrhanov.

Sondaı-aq, týrızm basqarmasynyń ókili ońtústik astanada saq mádenıetine arnalǵan «Boraldaı saq qorǵany» atty halyqaralyq ortalyq ashylatynyn aıtyp ótti.

«Búginde mádenı ortalyqtyń ekonomıkalyq-tehnıkalyq jospary bekitildi. Onyń da qurylysy keler jyly bastalady. Kelýshiler ol jerde saqtardyń mádenıetimen qatar, jalpy kóshpendilerdiń tirshiligimen etene tanysa alatyn bolady. Odan bólek, qalamyzda batyrlar mýzeıi salynady. Aty aıtyp turǵandaı mýzeı qazaq batyrlarynyń ómiri men erlikterine arnalady», - dedi ol.

Odan bólek, Aslan Qońyrhanov Almatyda iskerlik týrızmdi ilgeriletý maqsatynda bıyl BUU-nyń týrıstik habtyń ashylǵanyn tilge tıek etti.

«BUU ashqan ortalyq habta halyqaralyq 14 agenttiktiń ókildigi ornalasqan. Ol jerde túrli deńgeıdegi iskerlik kezdesýler ótedi. Ondaǵy maqsat - sheteldikterge óz múmkindigimizdi kórsetý. Sol sııaqty habta qazaqstandyq ókilder de jumys isteıdi. Olar sheteldikterge Almatyda bıznestiń qaı túrine ınvestıtsııa salýǵa bolatyndyǵyn, sondaı-aq, qalamyzdyń qaýipsiz jáne iri megopolıs qalalardan kem túspeıtindigin aıta otyryp, olarǵa baǵyt-baǵdar beredi. Ashylǵannan beri ortalyqta 10 halyqaralyq deńgeıdegi konferentsııa men semınar ótkizildi», - deıdi ol.

Qalalyq týrızm basqarmasynyń deregine súıensek, búginde eski Almatynyń 60% jańǵyrtyldy. Sondaı-aq, qalada 65% múmkindigi shekteýli topqa jatatyn jandarǵa jaǵdaı jasalǵan. Jáne jaıaý júrginshelerge arnalǵan joldardyń 20% jańalandy.

Aıta ketsek, «Kazakh Tourism» ulttyq kompanııasynyń muryndyq bolýymen elimizde onkúndik aqparattyq týry ótti. Maqsaty - ishki týrızmniń potentsıalyn arttyrý jáne dáripteý. Aqparattyq týrǵa elimizdiń batys óńirlerinen atap aıtqanda Atyraý, Aqtóbe, BQO jáne Mańǵystaý oblystaryndaǵy týrıstik agenttik ókilderi qatysty. Olar shara barysynda Nur-Sultan, Almaty, Shymkent qalalary men Almaty, Túrkistan, ShQO jáne Aqmola oblystarynyń týrıstik nysandary men saýyqtyrý keshenderiniń jumysymen tanysa otyryp ózara tájirıbe almasý.

 

 

Bizdiń kanalymyzǵa jazylyńyz:

Basty sózder: Almaty, Qazaqstan tarıhy, Týrızm,
Bólisińiz:

Avtor:

Dáýlet Іztileý

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT