Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 378.60 EUR 417.75
RUB 6.13 CNY 54.58
Jańalyqtar

Almaty oblysyndaǵy Kóksý aýdanynda 13 kópbalaly otbasy baspanaly boldy

2019 jylǵy 6 shilde 18:45 978
Bólisińiz:
Almaty oblysyndaǵy Kóksý aýdanynda 13 kópbalaly otbasy baspanaly boldy

 TALDYQORǴAN.QazAqparat - Almaty oblysynyń Kóksý aýdanyndaǵy Balpyq, Muqanshy, Aınabulaq, Eńbekshi aýyldyq okrýginde 13 kópbalaly otbasyna páter kilti tabystaldy, dep habarlaıdy QazAqparat tilshisi.

 Baspana baqytyn sezingen jandardy aýdan ákimi Almas Ádil quttyqtady.

Elimizdiń astanasy Nur-Sultan qalasynyń kúnine oraı berilgen páter kilti «Nurly jer» memlekettik baǵdarlamasy aıasynda satyp alynǵan. Oǵan Respýblıkalyq bıýdjetten 123 mıllıon 750 myń teńge qarajat bólindi.

"Búgin kópbalaly, az qamtylǵan  13 otbasy baspanaly boldy. Memleket tarapynan bólingen qarajatqa 21 úı alý kózdelgen edi. Endi tamyz aıynyń sońyna qaraı qalǵan 8 páterdi satyp alamyz. Odan bólek, aýdanda 50, 30 páterli úıdiń qurylysy aıaqtalyp, qazan-qarasha aılarynda tabystalady. Onyń 40-qa  jýyǵy kópbalaly otbasyna beriledi",- dedi Kóksý aýdanynyń ákimi A.Ádil. Aýdan basshysy "Baqytty otbasy", "7-20-25" baǵdarlamasy aıasynda atqarylyp jatqan qurylys jumystaryna toqtaldy.

Almaty oblysyndaǵy Kóksý aýdanynda 13 kópbalaly otbasy baspanaly boldy 

Baspaly bolǵandardyń biri - Kóksý beketiniń turǵyny Qoılybaevtar otbasy. "Biz bes balamyzben  8 jyldan astam ýaqyt jaldamaly úıde turdyq. Bir kún buryn xabarlasyp aıtqanynda senbeı, qaıta-qaıta suradym. Mine, qolyma páterdiń kiltin tabystaǵanda ǵana sendim. Balalarymyz taǵatsyzdana kútken keń úıdiń ıesi atandyq. Qoldaý kórsetken barsha janǵa alǵysym sheksiz",- dedi kópbalaly ana Botagóz Qoılybaeva.

Sondaı-aq, Balpyq bı aýylynan da kópbalaly Qartbaevtar janusy baspanaly boldy. Olar 5 balany tárbıelep otyr. 13 jyldan astam ýaqyt páter jaldap turǵan.

Jalpy aýdanda 936 kópbalaly otbasy, onyń ishinde 634 Altyn, Kúmis alqa ıegeri tirkelgen.


Almaty oblysyndaǵy Kóksý aýdanynda 13 kópbalaly otbasy baspanaly boldy 
Almaty oblysyndaǵy Kóksý aýdanynda 13 kópbalaly otbasy baspanaly boldy 

 

Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT