Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 376.51 EUR 418.91
RUB 6.13 CNY 54.90
Jańalyqtar

Álemniń 12 bedeldi ýnıversıtetinen shaqyrtý alǵan qazaq qyzynyń armany ne

2019 jylǵy 11 shilde 19:22 3430
Bólisińiz:
Álemniń 12 bedeldi ýnıversıtetinen shaqyrtý alǵan qazaq qyzynyń armany ne

NUR-SULTAN. QazAqparat - Elordadaǵy fızıka-matematıka baǵytyndaǵy Nazarbaev zııatkerlik mektebin bıyl bitirgen Ásel Rabatova álemniń eń bedeldi 12 ýnıversıtetiniń bilim grantyn utyp aldy. Onyń ishinde «Nazarbaev» Ýnıversıtetiniń bilim granty da bar, dep habarlaıdy QazAqparat tilshisi.

Ásel 8-synyptan-aq mektep ómirindegi barlyq sharalarǵa belsene aralasty.  Dostarymen birge mektebiniń logotıpin ózi ázirlegen túrli dızaındaǵy  kıim úlgilerine  paıdalanyp satý arqyly bıznestiń qyr-syryna da úırendi. Qalalyq mektepter arasyndaǵy túrli saıystardan da beı-jaı qalǵan emes. Tipti, aǵylshyn tilin jetik meńgergendiginiń arqasynda 2017 jyly elordamyzda ótken «EKSPO» halyqaralyq mamandandyrylǵan kórmesinde, bas qalamyzda uıymdastyrylatyn  túrli  halyqaralyq jıyndar men forýmdarǵa erikti retinde qatysyp ysyldy. Aǵylshyn tilin bilý deńgeıin jetildire tústi. Nátıjesi de jaman emes, qazirdiń ózinde Amerıka, Kanada, Nıderlandy elderiniń bedeldi joǵary oqý oryndary bilim granttaryn usynyp otyr.

«Jalpy, «Nazarbaev» Ýnıversıtetin qosa alǵanda  12 joǵary oqý orny tolyq jáne jartylaı bilim granttaryn  usyndy. Álemniń basqa da bedeldi oqý oryndarynyń jaýaptaryn kútip otyrmyn. Biraq,  tańdaýymdy jasap qoıdym desem de bolady. Tańdaýym  Amerıkanyń San-Frantsısko qalasyndaǵy álemdegi eń jas ýnıversıtetterdiń biri - Minerva Schools at KGI», - dedi Ásel QazAqparat tilshisine bergen suhbatynda.

Jas talapkerdiń muhıttyń ar jaǵyndaǵy alyp eldegi  bul ýnıversıtetke tańdaýynyń túsýiniń birneshe sebebi de bar.

«Birinshiden, bul ýnıversıtet jas bolǵanyna qaramastan Amerıkada óte tanymal ári bilim berýdiń jańa júıesin engizý arqyly zor bedelge ıe bolyp tur. Ekinshiden, bul oqý orny maǵan 100 paıyz bilim grantynan bólek Amerıkada jáne ózge elderde júrip-turýyma, jatyn ornyma jumsalatyn qarajatty da qarastyrǵan. Bul ýnıversıtettiń talapkerlerdi ózine tartymdy jasaıtyn taǵy bir tusy bar. Atap aıtar bolsam, 4 jyldyń ishinde 7 memlekette bilim alý múmkindigin alamyz.  Birinshi kýrsty San-Frantsıskoda oqysam, ekinshi kýrstan bastap ár jartyjylda Seýl, Gıdrobad, Býenos-Aıres, Berlın, London jáne Taıpeıde oqımyn.  Dıplomdy San- Frantsıskoda qorǵaýǵa múmkindik jasalǵan», - dedi Ásel Rabatova.

Álemniń 12 bedeldi ýnıversıtetinen shaqyrtý alǵan qazaq qyzynyń armany ne

Álemniń 12 bedeldi ýnıversıtetinen shaqyrtý alǵan qazaq qyzynyń armany ne  

Bolashaǵyn bıznes pen ekonomıka salasymen baılanystyratyn Áseldiń armany da bıik. Shetelden mol bilim men úlken tájirıbe jınap kelip, eliniń ıgiligine jumys isteýdi armandaıdy.

«Shetelde bilim alyp elge oralǵannan keıin áleýmettik bıznesti damytqym keledi. Buǵan qosa ózim sııaqty qazaq balalaryna álemniń jetekshi joǵary oqý oryndarynda bilim alýǵa  kómek kórsetetin qor ashý armanym bar», - dedi ol.


Álemniń 12 bedeldi ýnıversıtetinen shaqyrtý alǵan qazaq qyzynyń armany ne 

 

Bizdiń kanalymyzǵa jazylyńyz:

Basty sózder: Nur-Sultan, Bilim,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT