Alakólge bara jatqan avtobýs otqa orandy

ÓSKEMEN. QazAqparat - Búgin tańerteń Semeıden Alakólge 12 adamdy apara jatqan avtobýstan órt shyqqan, dep habarlaıdy QazAqparat tilshisi.

ShQO tótenshe jaǵdaılar departamentiniń habarlaýynsha, jolaýshylar mingen «Lifan» markaly  avtobýs «Taskesken-Baqty» tasjolynda otqa oranǵan.

«Qyzyl jalyn kóliktiń qozǵaltqysh bóliginen tutanyp, keıin dóńgelekteri men avtobýs ishine jaıylǵan.

«Avtobýs ishinde 12 jolaýshy bolǵan. Eshqaısysy zardap shekken joq. Olar jolaı ózge kólikterge otyryp, dittegen jerlerine jetti. Órt bolǵan jerde Úrjar aýdanyndaǵy №17 órt sóndirý bóliminiń qyzmetkerleri jumys istep, tańǵy saǵat 6.30-da tilsiz jaýdy aýyzdyqtady. Órtke kólik ıesiniń abaısyzdyǵy sebep bolýy múmkin», - delingen departament taratqan aqparatta.