Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Aqtóbeniń 10 jetistigi: Dımash Qudaıbergen, jerlester forýmy, kottedjder men taýnhaýstar...

2017 jylǵy 19 jeltoqsan 14:57 962
Bólisińiz:
Aqtóbeniń 10 jetistigi: Dımash Qudaıbergen, jerlester forýmy, kottedjder men taýnhaýstar...

AQTÓBE. QazAqparat - Aqtóbe oblysynda áleýmettik-ekonomıkalyq turaqtylyq saqtaldy. Bıyl ónerkásip óniminiń ósimi 5 paıyzdy qurady. Óndiris, qurylys salasy qarqyndy damyp, memlekettik-jekeshelik seriktestik aıasynda áleýmettik nysandar salyndy. Bıznestiń áleýmettik jaýapkershiligi kúsheıip, iri mádenı oshaqtar paılanýǵa berildi. QazAqparat Aqtóbe oblysynyń 10 jetistigin tizbekteıdi.

Aqtóbelik ánshi Dımash Qudaıbergen «I am singer» baıqaýynda júldeger atandy


Aqtóbeniń 10 jetistigi: Dımash Qudaıbergen, jerlester forýmy, kottedjder men taýnhaýstar...

Qytaıda ótken «I am singer» baıqaýynda baǵy janǵan ánshi Dımash Qudaıbergen álemge qazaq atyn tanytty. Ol ІІ-oryn alyp, álemniń ataqty ánshileriniń quttyqtaýyn qabyldady.  Dımash Qudaıbergen Aqtóbe oblysynda dúnıege kelgen. Ol 5 jasynan bastap mýzyka mektebine baryp, arnaıy sabaq aldy. Dombyra tartýdy kúıshi, zertteýshi Jaılaý Asylhanovtan úırendi.  Ustazy Marat Áıtimov álemge tanyla túsip, odan tálim alýdy qalaıtyn stýdentter sany artty.  Al Dımashtyń fanattary onyń bilim alǵan mýzykalyq kolldjinde bolyp, ustazdarymen tanysty. Qazirgi kezde Dımash Qudaıbergen Qytaıdaǵy qalalardy óziniń jeke kontsertterin berip júr.

Álemniń 21 elinen 300-den astam aqtóbelik jınaldy


Aqtóbeniń 10 jetistigi: Dımash Qudaıbergen, jerlester forýmy, kottedjder men taýnhaýstar...

Aqtóbe oblysynda «Týǵan jer» respýblıkalyq forýmy ótti. Oǵan álemniń ár túkpirinde júrgen 300-den astam aqtóbelik qatysty. Forým aıasynda akademık Jaqsylyq Dosqalıev bastaǵyn top 12 jastaǵy qyzdyń baýyryn aýystyrý otasyn jasady. Al ánshi Dımash Qudaıbergen týǵan jerinde ótken forýmǵa arnaıy qatysty. Degenmen fanattarynyń janynda júrgen ánshi reısten keshigip, ol arnaıy charterlik reıspen ushyp keldi. 

EKSPO kórmesindegi jańa tehnologııany óndiriske engizý jumysy júrgiziledi


Aqtóbeniń 10 jetistigi: Dımash Qudaıbergen, jerlester forýmy, kottedjder men taýnhaýstar...

Aqtóbe oblysy EKSPO kórmesinde kórsetilgen jańa tehnologııalardy óndiriske engizetin óńirlerdiń kóshin bastady. Jospar boıynsha óndiriske ozyq tehnologııany engizý úshin 43 mıllıard teńge jumsalady. Jobalardy qoldanysqa engizý kezinde Japonııa, Germanııa, Fınlıandııa, Izraıl, Polsha, Ulybrıtanııa, Slovakııa elderiniń jel men kúnnen qýat alý joldary óndiriste paıdalady.

Aqtóbe-Atyraý tasjolynyń qurylysy bastaldy


Aqtóbeniń 10 jetistigi: Dımash Qudaıbergen, jerlester forýmy, kottedjder men taýnhaýstar...

Aqtóbe-Atyraý tasjolyn salý jumysy 2018-2020 jyldary júrgiziledi. Jol qurylysy kezinde jergilikti materıaldar paıdalanylady. Aqtóbe oblysy aýmaǵyndaǵy 329 shaqyrymnyń 79 shaqyrymy І kategorııamen salynady. Aqtóbe-Atyraý tasjolyn tek jergilikti merdigerler emes, Italııa, Ázerbaıjan, Túrkııa, Koreıa elderiniń qurylys kompanııalary keldi. Barlyǵy 3 myńǵa jýyq adam jumys isteıdi. Jol qurylysyna qajetti qarjy Azııa damý banki men Islam bankinen alyndy. 

Kottedjder men taýnhaýstar


Aqtóbeniń 10 jetistigi: Dımash Qudaıbergen, jerlester forýmy, kottedjder men taýnhaýstar...

Aqtóbede «Nurly jer» baǵdarlamasy aıasynda kottedjder men taýnhaýstar salyndy. Barlyǵy 194 kottedj ben 20 taýnhaýs paıdalanýǵa berildi. Bul úılerdiń qurylysy kezinde jergilikti materıaldar paıdalanyldy.  Páter Turǵyn úı qurylys jınaq bankinde esepshoty bar, baspananyń 30 paıyzyn tóleı alatyn jáne jer telimi kezeginde turǵan adamdarǵa berildi.

Óner ortalyǵy men Shyǵarmashylyq akademııasy


Aqtóbeniń 10 jetistigi: Dımash Qudaıbergen, jerlester forýmy, kottedjder men taýnhaýstar...

Aqtóbede bıznestiń áleýmettik jaýapkershiligi aıasynda 1200 oryndy Óner ortalyǵy salyndy. «SNPS-Aqtóbemunaıgaz» AQ óńirde teńdesi joq eń úlken mádenı oshaqty syıǵa tartý etti. Al «QazHrom» TUK» AQ Shaǵyrmashylyq akademııasyn salyp berdi. Bul akademııada mektep oqýshylaryna túrli úıirmeler ashylǵan. Jańa ortalyqqa Memleket basshysy Nursultan Nazarbaev baryp, ónerli balalarmen tildesti. Al Óner ortalyǵyna oblystyq fılarmonııa ujymy qonystandy. Mundaı mádenı sharalar jıi uıymdastyrylady.

Memlekettik-jekeshelik seriktestik: mektep, balabaqsha, emdeý jáne mádenı ortalyq


Aqtóbeniń 10 jetistigi: Dımash Qudaıbergen, jerlester forýmy, kottedjder men taýnhaýstar...

Aqtóbede memlekettik-jekeshelik seriktestik aıasynda birneshe áleýmettik nysan salyndy. Hokkeı modýli, Jekpe-jek saraıy, Oftalmologııalyq ortalyq paıdalanýǵa berildi. «Jubanovtar álemi» mádenıet ortalyǵy óńirdegi aqyn-jazýshylar men óner adamdarynyń jınalatyn, pikir almasatyn oshaǵyev aınalady. 

Álem chempıonatyndaǵy jeńimpazdar: Meırambek Aınaǵulov pen Eset Qýanov


Aqtóbeniń 10 jetistigi: Dımash Qudaıbergen, jerlester forýmy, kottedjder men taýnhaýstar... 

Meırambek Aınaǵulov Parıjde ótken álem chempıonatynda kúmis júlde aldy. Bul Aqtóbeniń sport tarıhynda balýandardyń eń úzdik jeńisi boldy. 59 keli salmaqta 5 beldesý ótkizip, tórteýin jeńgen balýannyń armany - Olımpıada chempıony ataný. Al álem chempıonatynda sambodan altyn medal alǵan Eset Qýanov dzıýdoǵa aýysýy múmkin ekenin jasyrmady. Jyldyń úzdik sportshylaryn Aqtóbe oblysynyń ákimi Berdibek Saparbaev quttyqtap, olarǵa páter men avtokólik syıǵa berdi. 

Eset batyrdyń 350 jyldyǵy toılandy


Aqtóbeniń 10 jetistigi: Dımash Qudaıbergen, jerlester forýmy, kottedjder men taýnhaýstar... 

Bıyl Eset Kókiulynyń týǵanyna 350 jyl toldy. Eset batyr Kókiuly únemi Ábilqaıyr hannyń qasynda bolyp, aqyl-keńesin berdi, han men halyq arasynda dáneker boldy. Aqtóbeniń Bestamaq aýylynda batyrǵa arnalǵan eskertkish ashylyp, as berildi. 

Aqtóbede stýdentterdi tegin tamaqtandyratyn dámhana bar


Aqtóbeniń 10 jetistigi: Dımash Qudaıbergen, jerlester forýmy, kottedjder men taýnhaýstar...

Aqtóbelik kásipker Erbol Baıjarqynov stýdentterdi tegin tamaqtandyratyn dámhana ashyp qoıdy. Munda stýdenttik bılet arqyly tegin tamaqtanýǵa bolady. As mázirinde sorpa, etti makaron, shaı men qant, nan bar. Bul ashanada ár senbi saıyn stýdentter jergilikti kásipkerlermen kezdesip, olardan bıznesti bastaý jolyn úırene alady. «Óz tájirıbeńmen bólis!» atty kezdesý de tegin ótedi.

Bizdiń kanalymyzǵa jazylyńyz:

Basty sózder: Aqtóbe oblysy, Jyl qorytyndysy,
Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT