Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Aqtóbelik stýdentter joǵary oqý oryndarynda sybaılas jemqorlyqpen kezikpedi

2019 jylǵy 4 shilde 14:10 639
Bólisińiz:
Aqtóbelik stýdentter joǵary oqý oryndarynda sybaılas jemqorlyqpen kezikpedi

AQTÓBE. QazAqparat - Jazǵy sessııa kezinde stýdentter arasynda saýalnama júrgizildi. Joǵary oqý oryndarynda bilim alyp júrgen jastar jemqorlyq derekterin baıqamaǵan, dep habarlaıdy QazAqparat tilshisi.

QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń oblystyq departamenti joǵary jáne arnaýly orta bilim berý mekemeleriniń stýdentteri arasynda ekinshi ret jasyryn saýalnama júrgizdi.

«Qaıtalama saýalnama 1577 stýdentti qamtydy. Onyń ekeýi tańdaýly memlekettik joǵary oqý orny: M. Ospanov atyndaǵy Batys Qazaqstan memlekettik medıtsınalyq ýnıversıteti jáne Q. Jubanov atyndaǵy Aqtóbe óńirlik memlekettik ýnıversıteti. Ári 10 kolledj stýdenti qatystyryldy. Mysalǵa, Q.Jubanov atyndaǵy Aqtóbe óńirlik memlekettik ýnıversıtetinde «Siz ýnıversıtettiń ishinde sybaılas jemqorlyq jaǵdaılarymen, onyń ishinde, oqytýshylar nemese qyzmetkerler  tarapynan óziniń qyzmettik laýazymyn jeke paıdasyna paıdalanǵan  jaǵdaılarmen kezdestińiz be?» degen suraqqa 172 respondenttiń 97% «joq» dep jaýap berdi. Saýalnamaǵa qatysqan stýdentterdiń 93 paıyzy sybaılas jemqorlyq deregi joq ekenin aıtyp, 88 paıyzy baǵa úshin para berýge qarsy ekenin, mundaıǵa jol bermeıtinin rastaǵan. Jastardyń 77 paıyzy jemqorlyqqa qarsy kúres sharalaryna qatysyp, zańnamamen tanysqan eken», - dep habarlady MQІjSJQІA-ń Aqtóbe oblysy boıynsha departamentiniń baspasóz qyzmeti.

Aıta keteıik, alǵashqy saýalnama kezinde stýdentter oqytýshylardyń 20-80 myń teńge kóleminde para alatynyn, keıbir kezde azyq-túlikke tapsyrys beretinin aıtqan bolatyn.

«Oblystyq memlekettik qyzmet isteri jáne sybaılas jemqorlyqqa qarsy is-qımyl departamenti jáne Sybaılas jemqorlyqqa qarsy Ulttyq bıýro departamenti basshylary joǵary oqý oryndarynyń professorlyq-oqytýshylar quramymen kezdesip, oń nátıjege qol jetkizdi. Buǵan deıin anyqtalǵan derekterdiń bolǵanyn moıyndap, jemqorlyqtyń aldyn alý baǵytyndaǵy jumysty ári qaraı jandandyrýǵa kelisti», - dep habarlady baspasóz qyzmeti.

 

 

Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT