Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 384.97 EUR 427.12
RUB 6.04 CNY 54.75
Jańalyqtar

Aqtóbedegi «Baqytty bala» baıqaýyna Dımash Qudaıbergen qatysýy múmkin

2019 jylǵy 12 shilde 22:06 192
Bólisińiz:
Aqtóbedegi «Baqytty bala» baıqaýyna Dımash Qudaıbergen qatysýy múmkin

AQTÓBE. QazAqparat - ekinshi ret «Baqytty bala» baıqaýy ótedi. Álemniń segiz elinen ónerpaz qatysyp, gala kontsertte Dımash Qudaıbergen án shyrqaýy múmkin, dep habarlaıdy QazAqparat tilshisi.

«Baqytty bala» baıqaýyna Ýkraına, Reseı, Belorýs, Polsha, Ózbekstan, Qyrǵyzstan, Gretsııa, Moldova elinen ónerpazdar keldi. Kanada eliniń qatysýshysy qujat rásimdeýge keshigip, 2020 jyly bolatyn baıqaýǵa birinshi bolyp joldama alyp otyr.

«Bıyl balalardyń vokaldyq konkýrsy ekinshi ret uıymdastyrylyp jatyr. Barlyǵy 500-den astam ótinish tússe, onyń jıyrmasa irikteldi. Gala kontsert 14-shilde kúni ótedi. Balalar óte talantty, daıyndyqpen kelgen. Bir aıta keterligi, baıqaýdyń gala kontsertine Dımash keledi dep kútip otyrmyz. Álem juldyzynyń ýaqyty az, kestesi tyǵyz bolǵanymen úmit úzbeımiz. Kelse qýanamyz, amandyq bolsa qaýyshamyz», - dedi qala ákiminiń orynbasary Aıgúl Arynǵazıeva.


Baıqaýdy qalalyq ákimdiktiń qoldaýymen «Dımash Álı» prodıýsserlik ortalyǵy birge uıymdastyryp jatyr. Ádilqazylar arasynda Ýkraınanyń tanymal ánshisi Aıda Nıkolaıchýk, Reseı kompozıtory Evgenıı Evzerov, saýnd-prodıýser Erlan Bekchýrın, kompozıtor ári oryndaýshy Ulyqpan Joldasov, Dımashtyń ustazy Marat Áıtimov bar.

«Balalar Aqtóbede bir apta bolady. Olar osy arqyly dostaryp, kásibı damýǵa múmkindik alady. Bilikti ustazdar sheberlik sabaǵyn ótkizdi. Balalar aldymen ana tilinde, keıin álemdik hıt ándi oryndaıdy. Balalar qaıyrymdylyq sharaǵa da qatysyp, zamandastaryna kómektesedi, olardy óz konkýrsyna shaqyrdy. Múmkindigi shekteýli balalarmen kezdesý de erekshe ótedi dep josparlap otyrmyz», - dedi festıval rejısseri Anna Oboıanskaıa.
Aıta keteıik, vokaldyq baıqaýdyń júlde qory 2 mıllıon teńge. Bas júlde ıegerine 1 mıllıon teńge beriledi. Sonymen qatar jergilikti ákimdik qatsýshylardy kútý jumystaryn óz mindetine aldy.


«Dımashtyń arnaıy syıy týraly konkýrs kezinde belgili bolady. Bas júlde ótken jyly eki qatysýshyǵa berildi. Bıyl da baıqaý barysynda bári ózgerýi múmkin», - dedi Qanat Aıtbaev.
Aqtóbe oblysynan Ańsar Júsip, Laýra Serkebaeva, Ádil Orynbasarov qatysady. Sonymen qatar baıqaýǵa qatysatyn Dımashty kórý úshin Túrkııa, Fınlıandııa, Frantsııa, Ulybrıtanııa, Bolgarııadan 12 fanaty keldi. 

 

 

Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT