Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Aqtóbedegi 8 ózenniń arnasyn tazartý jumystary júrgiziledi

2019 jylǵy 9 shilde 21:54 666
Bólisińiz:
Aqtóbedegi 8 ózenniń arnasyn tazartý jumystary júrgiziledi

AQTÓBE. QazAqparat - Aqtóbede 8 ózen arnasyn tazartý jumystary jalǵasatyn boldy. Aldymen eskertýlerge baılanysty ózgertýler engiziledi, dep habarlaıdy QazAqparat tilshisi.

Aıta ketsek, Tabıǵat janashyrlary aǵashtardyń aıaýsyz kesilip, bulaq kózderiniń jabylyp qalǵanyn, apattyń aldyn alý týraly aıtqan soń Prezıdent tekserýge tapsyrma berdi. Ekologııa mınıstri Maǵzum Myrzaǵalıev issaparmen kelip, jumysty ýaqytsha toqtatýǵa sheshim qabyldaǵan edi. 

Arada eki apta ótkende tekserý komıssııasy alǵashqy qorytyndyny shyǵardy.

«Jumys saparymen ózen arnasynyń bárin araladyq. Joba boıynsha ózen jaǵasynan kesilgen aǵashtyń ornyn toltyrý qarastyrylmaǵan eken. Sondyqtan ózgertý engizgen kezde sol olqylyqty joıý kerek. Ózge eskertý joq», - QR Ekologııa, geologııa jáne tabıǵatty qorǵaý mınıstrliginiń Orman sharýashylyǵy jáne dúnıesi komıtetiniń tóraǵasy Kaır Ryskeldınov.
Aqtóbedegi 8 ózenniń arnasyn tazartý jumystary júrgiziledi 

Jobalaýshylar men merdigerler de bul olqylyqty moıyndady. Merdigerler óz esebinen aǵash otyrǵyzýdy mindetine alatyn boldy.
«Sý resýrstary komıteti jobany aıaqtaý qajet dep biledi. Bul sý tasqyny kezinde qaýipsiz bolady. Aǵash kesýde qatelik ketkeni ras. Merdigerler ákimdik aıtqan jerge kóshet otyrǵyzýy tıis», - dedi mınıstrliktiń Sý resýrstary komıtetiniń tóraǵasy Murat Bısenov.


Aqtóbedegi 8 ózenniń arnasyn tazartý jumystary júrgiziledi
Aqtóbedegi ózenderdiń arnasyn keńeıtý jumysy jalǵasady. Biraq aldymen ózgertýler engiziledi.
«Qazirgi kezde ózgerister engizý týraly sheshim qabyldanyp jatyr. Ózgerister engizilgen soń jergilikti halyqqa tanystyrylyp, túsindiriledi. Jobaǵa ózgeris resmı engizilmeı jumys jalǵaspaıdy. Ózgertýdi ákimdik pen jobalaýshylar engizedi. Kez kelgenniń usynysyn emes, mamandardyń saraptamasynan ótken  eskertýlerdi qabyldaımyz», - dedi mınıstrliktiń Ekologııalyq zertteý jáne baqylaý komıtetiniń tóraǵasy Ahmetjan Pirimqulov. 


Aqtóbedegi 8 ózenniń arnasyn tazartý jumystary júrgiziledi 

 

Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT