Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Aqtóbede «Nurly jer» baǵdarlamasymen 2 myńǵa jýyq páter beriledi

2019 jylǵy 24 sáýir 18:12 1381
Bólisińiz:
Aqtóbede «Nurly jer» baǵdarlamasymen 2 myńǵa jýyq páter beriledi

AQTÓBE. QazAqparat - Aqtóbede «Nurly jer» baǵdarlamasy aıasynda bıyl 2 myńǵa jýyq páter beriledi, dep habarlaıdy QazAqparat tilshisi.

Aqtóbe oblysy «Nurly jer» baǵdarlamasy boıynsha úı salyp, qoldanysqa bergen úzdik óńirler qatarynda tur. Jyl saıyn 2-3 myń páter Turǵyn úı qurylys jınaq banki arqyly beriledi. Bıyl da bul jumys jalǵasady. Ol úshin salymshy Turǵyn úı qurylys jınaq bankindegi esepshotyna páter qunynyń 20 paıyzyn jınaýy tıis. Sol kezde 5 paıyzdyq ústemeaqymen nesıe beriledi. Qazirgi kúni 300 páterdiń ıesi anyqtalyp tur. Olar 4 mıllıard teńge aqsha jınaǵan.

«Aqtóbe oblysy «Nurly jer» baǵdarlamasymen úı salyp, salymshylarǵa bergen belsendi óńir. Tek páter emes, áskerı qyzmetkerler kottedj de alyp jatyr. Bıyl da osy baǵyttaǵy jumys jalǵasady. Jyl sońyna daıyn taǵy 1300 páter kilti tabystalady. Jalpy, bıyl 2 myńǵa jýyq páter «Nurly jer» baǵdarlamasymen ótedi», - dedi Turǵyn úı qurylys jınaq bankiniń basqarma tóraıymy Lázzat Ibragımova.

Aıta keteıik, «Nurly jer» baǵdarlamasymen áskerı qyzmetkerlerdiń kóbi baspanaly boldy. Degenmen Aqtóbe oblysy boıynsha 1720 áskerı qyzmetker aı saıyn jumys ornynan páter úshin qosymsha aqy alyp otyr.

«Aqtóbe oblysy boıynsha 1720 áskerı qyzmetker aı saıyn jaldamaly páter aqysyn alady. Bul adamdar aldaǵy ýaqytta 8 paıyzdyq ústemeaqymen nesıe ala alady. Óńirde 178 áskerı qyzmetker baspanaly boldy. Olardyń 36-sy áskerı ıpoteka alsa, ózgesi «Nurly jer» baǵdarlamasymen baspanaly boldy. Endi olarǵa «Áskerı baspana» baǵdarlamasy tıimdi bolady», - dedi Lázzat Ibragımova.

 

 

 

Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT