Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Aqtóbede qola dáýirine jatatyn qorym zerttelip jatyr

2019 jylǵy 23 maýsym 09:00 1786
Bólisińiz:
Aqtóbede qola dáýirine jatatyn qorym zerttelip jatyr

AQTÓBE. QazAqparat - Aqtóbeniń Oıyl aýdanynda zertteý jumysy bastaldy. Arheologtar jerleý rásiminen Soltústik Kavkaz jáne Mesopotamııa órkenıetine uqsastyq tapty, dep habarlaıdy QazAqparat tilshisi.

Kóktem kele arheologtar zertteý jumysyn bastady. Oıyl aýdany, Qumsaı ıaǵnı, Qyryqoba qorymynda bıyl jetinshi jyl qazba jumysy júrgizilip keledi. Qazba jumystaryna Aqtóbe oblystyq tarıhı-ólketaný mýzeıiniń mamandary, arheologtar, Tarıhı-mádenı murany zertteý, qalpyna keltirý jáne qorǵaý ortalyǵynyń qyzmetkerleri, Q.Jubanov atyndaǵy Aqtóbe óńirlik memlekettik ýnıversıtetiniń tarıh fakýltetiniń oqytýshylary men stýdentteri qatysyp jatyr.
Aqtóbede qola dáýirine jatatyn qorym zerttelip jatyr 

«Qorymda tabylǵan dúnıeler ártúrli jerleý rásimderinen maǵlumat beredi. Ol ýaqytta ómir súrgen adamdardyń nanym-senimderine baılanysty qyzyl boıaýdy kóp paıdalanǵany kórinip tur.  Sábı qalpymen jerlegender de kezdesti. Keıbirinen kishkentaı balanyń súıegi men tasbaqanyń saýyty birge tabyldy. Adamdardy shalqaıtyp, otyrǵyzyp jerlegen. Qola dáýirine jatatyn bul qorym Qazaqstan boıynsha óte sırek kezdesedi. Adamdardyń jerleý dástúrine saraptama jumystaryn júrgizgennen keıin bul aýmaqqa jergilikti halyq emes, basqa jaqtan kelgen taıpalar jerlengenin anyqtadyq. Jerleý dástúrine qarasaq Soltústik Kavkaz jáne Mesopotamııa órkenıetine uqsastyq bar. Boljam boıynsha, alǵashqy baqtashylardyń da qorymy bolýy múmkin. Mundaı aýmaq Qobda, Temir aýdanynda bar dep estidik, biraq oǵan áli ózimiz bara qoıǵan joqpyz. Ázirge osy Segizsaı men Qumsaı aımaǵy zerttelýde. Aıta ketetin jaıt, qazirgi kezde Oıyldaǵy Qaratal, Qumjarǵan, Qońyrat jáne taǵy basqa aýmaqtarda 400-ge jýyq eskertkish anyqtaldy. Ásirese Kóptoǵaı aýyly mańyndaǵy vengrlerge tán eskertkishter bizderdi qyzyqtyryp otyr», - deıdi Tarıhı-mádenı murany zertteý, qalpyna keltirý jáne qorǵaý ortalyǵynyń dırektory Aslan Mamedov.

Aqtóbe oblystyq tarıhı-ólketaný mýzeıiniń baspasóz qyzmetkeri Qýat Ábilqaıyrdyń aıtýynsha, Oıyldan 11 shaqyrym qashyqtaǵy Qumsaıdyń topyraǵy qurylysqa jaramdy. Sondyqtan aýyl turǵyndary qorymdy buzbas úshin zertteý jumystary bastalǵan kezde Tarıhı-mádenı murany zertteý, qalpyna keltirý jáne qorǵaý ortalyǵynyń mamandary eskertý taqtasyn ornatty. 
Aqtóbede qola dáýirine jatatyn qorym zerttelip jatyr 


Aqtóbede qola dáýirine jatatyn qorym zerttelip jatyr 
Aqtóbede qola dáýirine jatatyn qorym zerttelip jatyr 

 

Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT