Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

AQSh memlekettik departamenti Ortalyq Azııadaǵy jobalarǵa 15 mln dollar qarajat bóledi

2016 jylǵy 4 tamyz 09:10 10106
Bólisińiz:
AQSh memlekettik departamenti Ortalyq Azııadaǵy jobalarǵa 15 mln dollar qarajat bóledi

ASTANA. QazAqparat -  AQSh Ortalyq Azııa elderi, S5+1 (latyn qarpi) formatynyń qatysýshylary - Qazaqstan, Qyrǵyzstan, Tájikstan, Túrkmenstan jáne Ózbekstanmen birlesken bes jobany júzege asyrýǵa nıetti. Bul ózara qarym-qatynas ótken sársenbide Vashıngtonda atalǵan elderdiń syrtqy ister mınıstrleri men AQSh memlekettik hatshysy Djon Kerrı arasyndaǵy kelissózderdiń negizgi taqyryby boldy, dep habarlaıdy TASS.

Kezdesý aldynda sóz sóılegen memlekettik departament basshysy 2015 jyldyń qarashasynda Samarqandta ótken alǵashqy kezdesýdi eske aldy, «bul talqylaý aramyzdaǵy qarym-qatynastyń bılik deńgeıinde ǵana emes, amerıkandyq bıznes pen osyndaǵy barlyq memlekettiń ekonomıkalyq sektorlar arasynda da jaqsy baılanys ornaýynyń dáleli».

«Biz búgin kontrterrorızm, saýda jáne ınvestıtsııa, ekonomıkalyq damý jáne taza energııa salasyndaǵy jańa aımaqtyq bastamalar kómegimen odan ári ilgerileýge úmittenemiz», - dep atap ótti ol.

«Osynsha ıdeıalardy júzege asyrý úshin jáne barynsha tez ári tıimdi jumys isteý úshin bul bastamaǵa Qurama Shtattar 15 mıllıon dollar quıýǵa nıetti», - dedi Kerrı.

Memlekettik departament keıinirek taratqan anyqtamaǵa sáıkes, atalǵan jumystyń bir baǵyty retinde Ortalyq Azııadaǵy radıkalızmniń aldyn alý úshin jáne memleketter arasyndaǵy ekstremıstik top músheleriniń qozǵalysyn toqtatý maqsatynda Jahandyq kontrterrorıstik uıymmen dıalog qalyptastyrýdy ataýǵa bolady. Bul úshin jınaqtalǵan tájirıbeni paıdalana otyryp, atalǵan qaýipke qarsy is-áreket ádisterin talqylaý úshin «bılik jáne sarapshylar ókilderin» tartý josparlanýda. 

Taǵy bir joba aımaqqa eksport aǵynyn keńeıtýge baǵyttalǵan. Munda barynsha erkin saýdaǵa jaǵdaı jasaý úshin bıznestiń ózimen jáne jergilikti bılikpen jumys isteý mańyzdy ról atqarmaq. Osyǵan baılanysty AQSh taýardyń quny men taýardy jetkizý ýaqytyn azaıtýǵa bel býyp otyr.

Odan bólek, memleketter jańartylatyn energııa kózderin damytýǵa kúsh salýda. Qurama shtattary «tehnıkalyq kómek» kórsetýge jáne atalǵan saladaǵy óziniń halyqaralyq tájirıbesimen bólisýge mindettenedi. Klımattyń ózgerýine aımaqtyń beıimdelýine de erekshe kóńil bólinip otyr.

 

 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT