Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

AQSh bıligi áleýmettik jelilerdiń basqosýyna Facebook pen Twitter-di shaqyrmady

2019 jylǵy 8 shilde 18:43 672
Bólisińiz:
AQSh bıligi áleýmettik jelilerdiń basqosýyna Facebook pen Twitter-di shaqyrmady

NUR-SULTAN. QazAqparat - AQSh prezıdenti Donald Tramptyń ákimshiligi áleýmettik jelilerge qatysty máseleler talqylanatyn kezdesýge Facebook pen Twitter-di shaqyrmady, dep xabarlaıdy QazAqparat CNN-ge silteme jasap. 

Áleýmettik jelidegi jańa minez-qulyq erejelerin ázirleý máselesine arnalǵan otyrys 11 shilde kúni Aq úıde bolady.

Telearnanyń xabaryna súıensek, bıliktiń osyndaı sheshimge kelýi o bastan belgili bolǵan.

Facebook jáne Twitter kompanııalarynyń paıymdaýynsha, áleýmettik jelilerdiń zııandy aqparattardy óshirý sharalaryna arnalǵan pikirtalas ymyramen tarqaýy múshkil. 

Óıtkeni kezdesýge negizinen konservatıvtik saıası pikir jaqtastary qatysady. Al olar Facebook pen Twitter-diń násilshildikti órshitetin jazbalardy buǵattaý saıasatyna burynnan qarsylyq tanytyp keledi.

Aıta keteıik, Facebook 2018 jyldyń alǵashqy toqsanynda yǵyr etetin jarnamasy bar 837 mln xabarlamany, kúsh qoldanýdy nasıxattaıtyn 3,4 mln jazbany, ashyq vıdeolar men sýretteri bar 21 mln posty, terrorıstik toptardyń úgitteri bar 1,9 mln jazbany, ultaralyq jáne násilshildik arazdardy órshitetin 2,5 mln jazbany óshirgen.

 

 

Bizdiń kanalymyzǵa jazylyńyz:

Basty sózder: Álem, Internet,
Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT