Aqmola oblysynda «Býrabaı-2019» jelkendi regaty ótedi

KÓKShETAÝ. QazAqparat - Býrabaı kýrortynda tájirıbeli jáne jas ıahtashylardyń qatysýymen «Býrabaı-2019» jelkendi regaty ótedi, dep habarlaıdy QazAqparat tilshisi Aqmola oblysynyń «Visit Aqmola» týrıstik-aqparat ortalyǵyna silteme jasap.

«Aǵymdaǵy jyldyń 19-21 shilde kúnderine josparlanyp otyrǵan shara ýche kóliniń jaǵasynda «Four seasons» jobasyn júzege asyrý sheńberinde «BurabayMarineClub» ıaht klýbynyń uıymdastyrýymen ótedi. Jelkendi regat jarysyna elimizdegi jáne Reseıdiń jaqyn oblystarynan keletin 20-dan astam tájirıbeli jáne jas ıahtashylar qatysyp, «mıkro» jáne «jelkendi katamaran»  klasynan kúsh synasady»,- delingen ortalyq habarlamasynda.

Vedomstvonyń málimetinshe, jarys jeńimpazdary óńirdiń kıeli oryndaryna saıahattaı alady. Sondaı-aq, bard ánderi sheńberinde mádenı sharalar qarastyrylyp otyr.

Aıta keteıik, ótken jyly uıymdastyrylǵan Jelkendi regat jarysyna  Qazaqstan men Reseıden kelgen 20-dan astam tájirıbeli jáne jas ıahtashy qatysqan.