Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Agroónerkásiptik keshendi memlekettik qoldaý 2016 jyly 176 mlrd. teńgeni quraıdy

2016 jylǵy 29 sáýir 11:53 891
Bólisińiz:
Agroónerkásiptik keshendi memlekettik qoldaý 2016 jyly 176 mlrd. teńgeni quraıdy

ASTANA. QazAqparat -  Agroónerkásiptik keshendi memlekettik qoldaý 2016 jyly 176 mlrd. teńgeni qurap otyr. Bul týraly Parlament Senatynda «EAEO jáne DSU jaǵdaıynda otandyq agrarlyq sektordyń básekege qabilettiligin arttyrý - zańnamalyq retteý jáne is júzine asyrý» atty parlamenttik tyńdaý barysynda Aýyl sharýashylyǵy mınıstri Asyljan Mamytbekov osylaı málim etti.

Mınıstrdiń aıtýynsha, «Agrobıznes-2020» baǵdarlamasyna sáıkes 2011 jyldan bastap agroónerkásiptik keshendi memlekettik qoldaý 68,1 mlrd. teńgeden 2016 jyly 176 mlrd. teńgege nemese 2,6 esege ósti. Bul rette, jergilikti atqarýshy organdar bıýdjetine berilgen agroónerkásiptik keshenge arnalǵan shyǵystar úlesiniń aıtarlyqtaı ulǵaıǵan. Máselen, bul 2011 jylǵy 32 mlrd. teńgeden 2016 jyly 153 mlrd.teńgege nemese 4,7esege artty.

«Memlekettik qoldaýdyń jańa quraldary engizilýde, tıimdi sýbsıdııa túrleriniń normatıvteri joǵarylap, tıimsiz normatıvter tómendeýde. Bul, ásirese, Eýrazııalyq ekonomıkalyq odaq pen Dúnıejúzilik saýda uıymyna kirýi kezinde Qazaqstan ózine birqatar mindettemeler, onyń ishinde aýyl sharýashylyǵy boıynsha mindettemeler alǵan qazirgi ýaqytta asa qajet. Sonymen birge, Qazaqstan DSU kirgen kezde aýyl sharýashylyǵy jalpy óniminiń 8,5%-y deńgeıindegi tikeleı ınvestıtsııalar túrinde aýyl sharýashylyǵyn memlekettik qoldaý sharalaryn qoldaný boıynsha ýaǵdalastyqqa qol jetkizildi. Salystyra ketsek, Dúnıejúzilik saýda uıymyna jýyrda kirgen Reseı, Ýkraına, Qyrǵyzstan, Moldova, Horvatııa, Grýzııa elderi aýyl sharýashylyǵyn 5 % sheginde sýbsıdııalaıtyn bolady. Bul rette, «jasyl sebet» sheńberindegi memlekettik qoldaý kólemin qandaı da bir shekteýlersiz berýge bolady. ıAǵnı, agrarlyq saqtandyrýdy qoldaýǵa, ǵylymǵa, konsaltıngke, veterınarııaǵa, fıtosanıtarııaǵa, ınfraqurylymdyq jobalarǵa, áleýmettik qamtamasyz etýge jáne ónimniń túpkilikti qunyna áser etpeıtin ózge de sharalarǵa arnalǵan shyǵystar múldem lımıttelmegenin atap ótken jón», - dedi A. Mamytbekov.

 

Bizdiń kanalymyzǵa jazylyńyz:

Bólisińiz:

Avtor:

Qanat Mámetqazyuly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT