Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

Adam kapıtalyna salynǵan ınvestıtsııa eldiń damýyna septigin tıgizedi - Qazaqstan Prezıdenti

2019 jylǵy 4 shilde 21:08 643
Bólisińiz:
Adam kapıtalyna salynǵan ınvestıtsııa eldiń damýyna septigin tıgizedi - Qazaqstan Prezıdenti

NUR-SULTAN. QazAqparat - Qasym-Jomart Toqaev Sheteldik ınvestorlar keńesiniń 32-plenarlyq otyrysyna qatysty, dep habarlaıdy Aqordanyń baspasóz qyzmeti.

Memleket basshysy óziniń baıandamasynda Elbasy Nursultan Nazarbaev usynǵan Bes ınstıtýtsıonaldyq reformany júzege asyrý jónindegi Ult josparynyń, 2025 jylǵa deıingi Strategııalyq damý josparynyń jáne aýqymdy ınfraqurylymdyq jáne ındýstrııalyq baǵdarlamalardyń tabysty júzege asyrylyp jatqanyn atap ótti.

- Biz Ekonomıkalyq yntymaqtastyq jáne damý uıymyna kiretin elderdiń ómir súrý sapasy jónindegi standarttaryn engizýdi negizge aldyq. Salyq, kásipkerlik, zııatkerlik menshik jáne qarjy salasyndaǵy zańnamamyzdy dáıekti jetildirip kelemiz. Qazaqstan postkeńestik keńistikte biregeı ınstıtýt - «Astana» halyqaralyq qarjy ortalyǵyn qurdy. Sonyń arqasynda Qazaqstan óziniń maqsatyna - álemniń ozyq 30 eliniń qataryna qosylýǵa jaqyndap keledi, - dedi Qasym-Jomart Toqaev.

Adam kapıtalyna salynǵan ınvestıtsııa eldiń damýyna septigin tıgizedi - Qazaqstan Prezıdenti 

Qazaqstan Prezıdenti álemdegi bolyp jatqan úderisterdiń el ekonomıkasyna tikeleı áser etetinin aıtyp, jahandyq ekonomıkanyń damýyna yqpal etetin Tórtinshi ónerkásiptik revolıýtsııa, geosaıası jáne saýda-ekonomıkalyq qatynastardyń qazirgi turaqsyzdyǵy sııaqty negizgi faktorlardy belgilep berdi.

- Avtomattandyrý jáne tsıfrlandyrý jumys kúshiniń qunyn aıtarlyqtaı túsirip jiberdi. Ekonomıkalyq ósim úshin resýrs retinde arzan jumys kúshin paıdalanatyn elder damý jolynda eleýli problemalarǵa kezdesip jatyr. Qazirgi kezeńde adam kapıtalynyń róli, ásirese, bilim salasynda birden ósip barady. Sondyqtan, adam kapıtalyna salynǵan ınvestıtsııa eldiń damýyna jáne qoǵamnyń ál-aýqatynyń artýyna septigin tıgizedi, - dedi Qazaqstan Prezıdenti.

Qasym-Jomart Toqaev Qazaqstanda adamı kapıtaldy damytý máselelerine jeke toqtaldy. Onyń aıtýynsha, qazirgi kezeńde maman ázirleý júıeleriniń sapasyn jańa deńgeıge kóterý, kadr daıyndaý sapasy men eńbek naryǵyndaǵy suranystyń arasyndaǵy alshaqtyqty qysqartý - negizgi mindet.

Adam kapıtalyna salynǵan ınvestıtsııa eldiń damýyna septigin tıgizedi - Qazaqstan Prezıdenti 

Memleket basshysy bul mindetterdi júzege asyrýǵa qajetti sharalarǵa arnaıy toqtaldy. Kásibı tehnıkalyq bilim berý júıesin jańǵyrtý, joǵary bilim berýdiń kásiporyndarmen, bıznespen baılanysyn kúsheıtý qajet. Prezıdent joǵary bilim berý júıesin jetildirip, sheteldik joǵary oqý oryndarmen akademııalyq baılanys ornatýǵa Sheteldik ınvestorlar keńesi óz úlesin qosa alatynyn atap ótti.

- Kez kelgen kompanııanyń basty baılyǵy - adam. Sondyqtan kásiporynnyń kiris mólsherine qaraı qyzmetkerlerge syıaqylardy ádil úlestirý mańyzdy. Bul - áleýmettik jaýapkershiliktiń negizgi kilti. Bul otandyq kásiporyndarǵa da, sheteldikter qatysqan kompanııalarǵa da qatysty. Ulttyq tabystyń ádil bólinýi - ár memlekettiń negizgi mindeti, - dedi Qasym-Jomart Toqaev.

Sondaı-aq, Memleket basshysy qatysýshylarǵa Úkimettiń bilim berýdi jáne ǵylymdy damytýǵa baǵyttalǵan jańa Memlekettik baǵdarlama ázirlep jatqanyn atap ótti. Onyń aıtýynsha, atalǵan baǵdarlama jobasy jurtshylyqpen, jumys berýshilermen jáne ınvestorlarmen keńinen talqylanýy tıis.

Adam kapıtalyna salynǵan ınvestıtsııa eldiń damýyna septigin tıgizedi - Qazaqstan Prezıdenti 

Sońynda Qazaqstan Prezıdenti Keńestiń kelesi plenarlyq otyrysyn Shıkizattyq emes eksportty damytý taqyrybyna arnaýdy usyndy.

Jıyn barysynda QR Syrtqy ister mınıstri B.Atamqulov, QR Bilim jáne ǵylym mınıstri A.Aımaǵambetov, QR Joǵarǵy sot Tóraǵasy J.Asanov, Eýropalyq qaıta qurý jáne damý bankiniń prezıdenti Ser Sýma Chakrabartı jáne «Qazaqstan sheteldik ınvestorlar keńesi» assotsıatsııasynyń basqarma tóraǵasy Agrıs Preımanıs sóz sóıledi. 

 

 

 

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT