Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 421.58 EUR 496.83
RUB 5.53 CNY 62.20
Jańalyqtar

Abaı jazǵan Qaramola jarǵysynyń túpnusqasy tabyldy

2019 jylǵy 13 maýsym 09:18 3168
Bólisińiz:
Abaı jazǵan Qaramola jarǵysynyń túpnusqasy tabyldy

NUR-SULTAN. QazAqparat - Abaıdyń «Jıdebaı-Bórili» memlekettik qoryq-mýzeıi qyzmetkerleriniń ǵylymı issapary barysynda Qazan qalasynan qundy qazyna tabyldy, dep habarlaıdy QazAqparat tilshisi qoryq-mýzeıiniń baspasóz qyzmetine silteme jasap.

«Bul - 1885 jyly Abaı tóbe bı bolǵan Qaramola sezinde qabyldanǵan jarǵynyń 1886 jyly Qazan qalasynan shyqqan basylymy. «Qaramola jarǵysy» HІH ǵasyrdaǵy adam quqyqtarynyń saqtalýy men bostandyǵy haqynda Abaıdyń ózi qurastyryp shyǵarǵan, halyq arasyna keń taralǵan erejelerdiń biri. Bul qujattyń qabyldanýy men el arasyna taralýy týraly derekter men estelikter óte kóp. Qazirgi grafıkaǵa aýdarylǵan nusqasy biraz ýaqyttan beri belgili bolsa da, basylymnyń túpnusqasy nemese kóshirmesi beımálim bolatyn», - delingen qoryq-mýzeıdiń habarlamasynda.

Bul basylymdy 1959 jyly QR Ǵylym Akademııasynyń qyzmetkeri, ǵalym Qarta Qańtarbaıuly Qazan qalasynan taýyp, aýdarmasyn ǵana jasap alǵan. Osy aýdarmanyń mashınkada terilgen nusqasy mýzeı qorynda saqtaýly.

«Abaı mýzeıinde talaı jyl qyzmet atqarǵan Muzdybaı Beısenbaıuly 1984 jyly Qazan qalasyna baryp qaıtqan saparynda atalǵan jarǵyny kórgenin jazǵan. Alaıda elimizdegi kitaphanalar men mýzeı qorlarynda osy kúnge deıin Qazan qalasynda basylǵan Qaramola jarǵysynyń birde-bir kóshirmesi bolmaǵan. Hakim Abaıdyń bastamasymen qabyldanǵan «Qaramola jarǵysy» qadym jazýymen Qazan qalasyndaǵy Imperatorlyq ýnıversıtettiń baspahanasynan 1886 jyly Semeı oblystyq áskerı gýbernatorynyń ókimi boıynsha jaryq kórgen», - delingen habarlamada.

Tabylǵan qundy qujat osy ýaqytqa deıin belgili aýdarmalardy túpnusqamen salystyrýǵa jáne jan-jaqty zertteýge múmkindik beredi.

Eske sala ketsek, ótken aıda QR Prezıdenti Qasym-Jomart Toqaev Abaıdyń 175 jyldyq mereıtoıyn atap ótý týraly Jarlyqqa qol qoıǵan bolatyn.

Abaı jazǵan Qaramola jarǵysynyń túpnusqasy tabyldy 

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT