Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

763 kólik apaty: Depýtattar 50 jyl jóndeý kórmegen jolǵa aqsha surady

2019 jylǵy 25 maýsym 07:20 898
Bólisińiz:
763 kólik apaty: Depýtattar 50 jyl jóndeý kórmegen jolǵa aqsha surady

NUR-SULTAN. QazAqparat - QR Parlamenti Senatynyń bir top depýtaty «Qyzylorda - Jezqazǵan - Esil - Petropavl - RF shekarasy» respýblıkalyq mańyzy bar jolyn jóndeýge qarajat bólýdi surap, Premer-Mınıstrdiń atyna depýtattyq saýal joldady, dep habarlaıdy QazAqparat tilshisi.

«Respýblıkalyq mańyzy bar «Qyzylorda - Jezqazǵan - Esil - Petropavl - RF shekarasy» avtokólik joly 5 oblys aýmaǵy arqyly ótedi. Uzyndyǵy 1352 shaqyrym. Atap aıtqanda, «Qyzylorda - Jezqazǵan» ýchaskesi - 412 shaqyrym, «Jezqazǵan - Esil-Petropavl - Reseı Federatsııasynyń shekarasy» ýchaskesi 940 shaqyrymdy quraıdy. Ýchaskeler boıynsha táýligine 2000 - 6000 avtokólik júredi. Jol 1970 jyldary bilikke túsetin salmaǵy 6 tonnaǵa deıingi ólshemmen salynǵan. Qazirgi ýaqytqa deıin jolǵa kúrdeli jóndeý júrgizilgen joq. Kóktemgi-kúzgi kezeńderde joldyń osy ýchaskelerinde júrip ótý qıynǵa soǵyp barady. Qatty jabyny bar jerde jol jamylǵysy buzylyp, oıyqtardyń, shuńqyrlardyń paıda bolýymen, qubyrlar men jer tóseminiń deformatsııalanýy baıqalady. Jasandy qurylystar qaıta jańartýdy jáne keńeıtýdi talap etedi», - deıdi depýtattar saýal hatynda.

Senatorlar keltirgen málimetke súıensek, atalmysh jolǵa ortasha jóndeý jumystaryn júrgizý tıisti nátıje bermeıtin túri bar. Óıtkeni qozǵalys qarqyndylyǵy artyp ketken. Bilikke túsetin júkteme, sondaı-aq kólik quraldarynyń sany da kóp.

«2016-2018 jyldar aralyǵynda Qaraǵandy jáne Qyzylorda oblystary boıynsha «Qyzylorda - Jezqazǵan» ýchaskesinde 763 jol-kólik oqıǵasy tirkelip, saldarynan 387 adam qaza bolǵan,1243 adam jaraqat alǵan. Joldyń jaı-kúıi saldarynan aýyl turǵyndary qalalar men aýdan ortalyqtarynan alshaqtyqty sezinedi. Bul rette, joldyń búliný qarqyny aıtarlyqtaı údep, keıbir ýchaskeler qozǵalys úshin qaýipsiz deýge kelmeıdi», - dep atap ótedi halyq qalaýlylary.  

Qaraǵandy oblysy Jezqazǵan, Sátbaev qalalary men Ulytaý aýdanynyń áleýmettik-ekonomıkalyq damý máselelerin sheshý maqsatynda QR Úkimetiniń 2011 jylǵy 3 qarashadaǵy №1283 qaýlysymen «Qyzylorda-Jezqazǵan-Petropavl» avtojolyn qaıta jańartý qarastyrylǵan. ıAǵnı, Qaraǵandy oblysynyń Jezqazǵan, Sátbaev qalalary men Ulytaý aýdanyn áleýmettik-ekonomıkalyq damytýdyń 2012-2020 jyldarǵa arnalǵan keshendi jospary bekitilgen.

«Jyl saıyn Ulytaýdyń tarıhı jáne qasıetti jerlerine týrıstik maqsatta 30 myńnan astam adam keledi. Ulytaý aýdany qazaq halqynyń tarıhı ortalyǵy, kóshpeli mádenıet pen dala órkenıetiniń epıtsentri. Memleket basshysy «Rýhanı jańǵyrý» maqalasynda da Ulytaý óńiriniń eskertkishter kesheni tóńireginde ishki týrızmdi damytý qajettigin atap ótken bolatyn. Ulytaý - týrızmniń baǵyttaryn damytýda zor áleýetke ıe. Negizgi resýrstar - Ulytaý taýlary, tarıh jáne mádenıet eskertkishteri. Onyń 282-i «Ulytaý» qoryq-murajaıy qorynyń tarıhı-mádenı kartasyna «Joshy han», «Alasha han», «Dombaýyl» keseneleri, «Terekti áýlıe» kesheni, «Basqamyr» ejelgi qalashyǵy, Áýlıe taýy jáne basqa da kóptegen nysandar kiredi. Týrızmdi damytýda kólik ınfraqurylymy mańyzdy shart. Óńirde týrızmdi damytý úshin barlyq perspektıvalar bar. Óıtkeni qyzyqty oryndar, tabıǵı jáne mádenı eskertkishter kóp», - deıdi olar.

Sonymen qatar, Arqalyq óńiri Qazaqstannyń jumyssyzdyq deńgeıi óte joǵary depressıvti aýdandarynyń tizimine kiretini atap ótilgen. Olardyń aıtýynsha, avtokólik joly jaı-kúıiniń problemalaryn sheshý ken oryndaryn ázirleý úshin óńirdiń ınvestıtsııalyq tartymdylyǵyn arttyrar edi. Ol tıisinshe óńirdiń ekonomıkalyq jáne áleýmettik jańǵyrýyna áser etedi.

«Qyzylorda - Jezqazǵan - Esil - Petropavl - Reseı Federatsııasynyń shekarasy» avtomobıl joly Qazaqstannyń ońtústik óńirleri men Ortalyq Azııa elderin Qazaqstannyń soltústik óńirlerimen jáne odan ári Reseı Federatsııasymen baılanystyrady. Jobany iske asyrý irgeles salalar men óńirdiń áleýmettik sektoryna kólik ınfraqurylymyn damytýdan mýltıplıkatıvtik áserdi arttyrady. Sondaı-aq kólik júıesiniń ozyq ınfraqurylymyn qurý jónindegi túıindi mindetterdi sheshýdi qamtamasyz etýge múmkindik beredi. Qurmetti Asqar Uzaqbaıuly! Osy máseleniń joǵary áleýmettik-ekonomıkalyq mańyzdylyǵyn eskere otyryp, respýblıkalyq mańyzy bar «Qyzylorda - Jezqazǵan-Esil - Petropavl - Reseı Federatsııasynyń shekarasy» avtomobıl jolyn qaıta jańartý úshin qajetti qarajat bólý múmkindigin qarastyrýyńyzdy suraımyz», - dep túıedi Senat depýtattary.

 

 

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT