53 jastaǵy reseılik týrıst Baıanaýylda shyńnan qulady

BAıANAÝL. QazAqparat - Pavlodar oblysy Baıanaýyl aýdanynda 53 jastaǵy reseılik týrıst shyńnan qulady. Onyń oń aıaǵy synyp, aýdandyq aýrýhanaǵa jetkizildi, dep habarlaıdy pavlodarnews.kz.

TJ óńirlik departamentinen habarlanǵandaı, 53 jastaǵy reseılik Jasybaı kólinde týrbazamen demalyp júrgen.

«10 shildede 18:00-de 112 nómirine Jasybaı demalys aımaǵynda jedel-qutqarý jasaǵy Reseı Federatsııasynyń azamatyn shyńnan evakýatsııalaǵan. 1966 jylǵy azamat abaısyzda eki metrlik bıiktikten qulap, aýdandyq aýrýhanaǵa jetkizildi», - dedi vedomstvoda.

Baıanaýyl aýdandyq TJ bóliminde týrıstik Jasybaıda jubaıymen birge demalyp júrgenin aıtty.

«Ol taýda jubaıymen birge bolǵan. Týrıst taýǵa sýretke túsý úshin shyqqan. Taýdyń bıiktigi 130 metr. Er adam eki metrge kóterilip, aıaǵy qaıyrylyp qalǵan. Óz-ózin ustaı almaı, tómen qaraı qulaǵan. Áıeli týrbazaǵa kelip, oqıǵa týraly habarlaǵan», - dedi bólimniń bas mamany, azamattyq qorǵanys polkovnıgi Danııar Toqatov.

Habarlamany TJ men jedel járdemge jibergen. Densaýlyq saqtaý basqarmasynan atap ótkendeı, oń aıaǵy synǵan er adam alǵashqyda aýdandyq aýrýhanaǵa, keıin birinshi Pavlodar qalalyq aýrýhanasyna jetkizilgen.

«Naýqas tolyqtaı em qabyldap jatyr, onyń jaǵdaıy ortasha aýyr dep baǵalanyp otyr», - dedi basqarmadan.