Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

2018 jyly Senat óte belsendi jumys istedi - Qasym-Jomart Toqaev

2018 jylǵy 27 jeltoqsan 13:20 1494
Bólisińiz:
2018 jyly Senat óte belsendi jumys istedi - Qasym-Jomart Toqaev

ASTANA. QazAqparat - Parlament Senatynyń 2018 jyldaǵy qorytyndy jalpy otyrysynda Palata tóraǵasy Qasym-Jomart Toqaev bıylǵy jyldyń jetistikterin atady, dep habarlaıdy QazAqparat.

«Palatanyń osy jylǵy qorytyndy otyrysyn ótkizdik. Elimiz úshin  jetistikterge toly 2018 jyl tarıhymyzda óziniń laıyqty ornyn alatyny sózsiz.  Biz  osy jyl ishinde  Prezıdent Nursultan Ábishuly Nazarbaevtyń basshylyǵymen  barsha halyqpen birge  memleket ómirinde oryn alǵan qoǵamdyq-saıası mańyzy zor oqıǵalardyń  qatysýshysy boldyq. Halyqtyń ómir sapasyn jaqsartý jolyndaǵy  Elbasynyń teńdessiz bastamalaryn iske asyrý jumysyna  belsene qatystyq. Bıyl  elimiz  ámbebap ári balamasy joq  álemdik uıym - Birikken Ulttar Uıymy Qaýipsizdik Keńesiniń múshesi retinde  jemisti jumysyn jalǵastyryp, Keńestegi tóraǵalyq qyzmetin abyroımen atqardy. Bul  Elbasynyń  álemdegi bıik bedeliniń arqasy jáne aıqyn kórinisi», - dedi Senat tóraǵasy.

Sonymen qatar Q. Toqaev  Táýelsizdigimizdiń boıtumary, Elbasymyz negizin qalaǵan ásem qala, elordamyz - Astananyń mereıli 20 jyldyǵy keń aýqymda atap ótilgenin eske saldy.

«Búginde  memlekettik bıliktiń barlyq tarmaqtary  Prezıdenttiń áleýmettik bastamalaryn  belsendi túrde iske asyrýda.

Joldaýǵa sáıkes, eń aldymen,  qazaqstandyqtardyń kiris deńgeıin arttyrý sharalary  qolǵa alyndy. 2019 jylǵy 1 qańtardan bastap eń tómen jalaqy 1,5 esege arttyrylady, zeınetaqy mólsheri kóbeıtiledi, kommýnaldyq qyzmetterdiń tarıfteri tómendetiledi.

Osy jyly  Kaspııdiń quqyqtyq mártebesi boıynsha  5 memleket  20 jyldyq kelissózderdiń nátıjesinde  arnaıy konventsııaǵa qol qoıdy.

Kaspıı teńiziniń quqyqtyq mártebesin anyqtaý jónindegi konventsııany ratıfıkatsııalaýǵa qatysty zań jobasyn Palatamyz  jańa jylda qaraıdy», - dedi ol.

Senat  jyl ishinde Elbasy usynǵan reformalardy  zańnamalyq jaǵynan qamtamasyz etý boıynsha  aýqymdy jumystardy atqardy.

Jalpy, bıyl Parlament 80 zań qabyldady. Qabyldanǵan zańdardyń 30-ǵa jýyǵy Elbasynyń naqty tapsyrmalaryn oryndaýǵa baǵyttaldy.

«Senatorlar  zań jobalarynyń basym kópshiligin qysqa merzimde  jan-jaqty muqııat qarastyryp, kóptegen mańyzdy túzetýler engizgenin  atap ótý qajet. Senat depýtattary qoǵamymyzdaǵy eń ózekti máseleler boıynsha  Úkimetke 100-den asa depýtattyq saýal joldady.

Bıyl  Palata  zań shyǵarý jumysymen qatar,  parlamenttik qyzmettiń basqa da baǵyttary boıynsha  óte belsendi jumys istedi», - dedi Qasym-Jomart Toqaev.

 

 

Bizdiń kanalymyzǵa jazylyńyz:

Basty sózder: Jyl qorytyndysy, Senat,
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT