Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

2017 jyly el aýzynan túspegen tulǵalar

2018 jylǵy 1 qańtar 15:03 829
Bólisińiz:
2017 jyly el aýzynan túspegen tulǵalar

ALMATY. QazAqparat - 2017 jyl Qazaqstanda el abyroıyn asqaqtatqan asqan talant ıelerin ashqan qutty jyl boldy. QazAqparat tilshisi byltyr kópshilik talqysyna kóbirek túsken tulǵalardyń tizimin jasady.

Sonymen 2017 jyly el aýzynan túspegen kimder?

JYL JULDYZY

2017 jyly Qazaqstandaǵy jaryq juldyzdardyń biri - Dımash Qudaıbergenniń esimi jer jahanǵa tanyldy.

Dımash kúlli álemge Qytaıdaǵy «I am Singer» jobasyn arqyly áıgili boldy.

Qytaılyqtar «Táńir nazaryna alǵan ánshi» ataǵan Dımashtyń daýys dıapazonyna álemniń túkpir-túkpirinen  belgili ánshiler men ónersúıer qaýym tań qalysty.

Olardyń arasynda Lara Fabıan, Djekı Chan taǵy basqa ónerpazdar bar.

Qytaı BAQ-tarynda «Dımash fenomeni» degen termın paıda boldy. Ol eki el arasyndaǵy mádenı qaqpany ashty dep jarysyp jazdy qytaılyq baspasóz.

Dımash Qudaıbergen Nıý-Iorktegi Taıms Ckverdiń eń úlken basty led dıspleıinde kórsetilgenin buǵan deıin habarlaǵanbyz. Álemdi talantymen tánti etken qazaqstandyq ánshi Amerıka jurtshylyǵyna da tanystyryldy.

Dımash Global Shopping Festival-da álemdik juldyzdarmen birge qyzyl kilem ústimen júrip ótti

2017 Fresh Asia music Festival festıvalinde Dımash Qudaıbergen «Eń úzdik sheteldik óner tulǵasy» ataǵyn jeńip aldy.

JYL ÁNShІSІ

Jyl sońynda 10 jastaǵy jaryq juldyz Danelııa Tóleshova qazaqstandyqtardyń ǵana emes, búkil álem nazaryna ilindi. Jas ánshi Ýkraınada ótken «Golos. Ditı» shoýynda bas júldeni jeńip aldy.

Alǵashqy kezeńde ol  «Stone Cold» ánin oryndap, barlyq qazylar alqasyn tánti etti. Danelııanyń ánin Youtube jelisinde 8 mln-nan astam adam kórgen.

Jas ónerpazdyń anasy QR Mádenıet jáne sport mınıstrimen kezdesý barysynda balalarǵa arnalǵan «Junior Eurovision» baıqaýyna qatysý josparda bar ekendigin aıtty.

JYL INTELLEKTÝALY

Qazaqstandyqtar tek qana óner salasynda ǵana jasyndaı jarqyldaǵan joq. Bıyl elimizde tuńǵysh ret 12 jastaǵy bala mektepti ekstern bitirdi.

Abzal Myrzashtyń esimi sońǵy qońyraýdan soń jalpaq jurtqa jaıyldy.

«Výnderkınd» bala 3 jasyna jetpeı-aq, áripterdi qosyp oqı bastaǵan. Al 4 jasynda eki tańbaly sandardy kóbeıtýdi meńgergen. Erekshe qabiletiniń arqasynda ol 3, 5, 7, 9, 11-synyptardy ǵana oqyp, nebári 7 jylda, 12 jasynda mektep túlegi atandy.

UBT-dan 117 ball jınaǵan Abzal IELTS synaǵynan da sertıfıkatqa qol jetkizgen. Memlekettik granty bar eń jas talapkerge elimizdiń 4 JOO-sy talasqan. Zerek oqýshy Massachýsets tehnologııalyq ýnıversıtetine túsýge ynta bildirgen eken. Sheteldik ýnıversıtet balany qabyldaýǵa da ázir bolǵan. Alaıda, 14 jasqa deıingi talapkerlerge Amerıkaǵa otbasymen birge kóshý kerek degen shart bolǵandyqtan, Abzaldyń týǵan-týystary bul jospardy keıinge qaldyrǵan. Tórt oqý ornynyń ishinde Abzaldyń tańdaýy Qazaq-Brıtan ýnıversıtetine tústi.

JYL PATRIOTY

QR Memlekettik hatshysy Gúlshara Ábdiqalyqova almatylyq oqýshy Davıd Baltabaevty «patrıottyqtyń úlgisi» dep atady.

10 jastaǵy oqýshy aýlany qoqystan óz kúshimen tazartty. Bostandyq aýdany Qazaqfılm shaǵyn aýdanynda ornalasqan turǵyn úıdiń mańy kúl-qoqysqa tolyp qalǵan. Joǵary qabatta turatyn turǵyndar qoqystaryn arnaıy orynǵa aparmaı, terezeden laqtyra bergen.

3-synyp oqýshysy Davıd Baltabaevtyń mundaı ıgi is isteýine ákesi Eldar Álimbaev muryndyq bolǵan. «Aınaladaǵy qoqystan jaǵymsyz ıister shyǵa bastady, egeýquıryqtar qaptaı bastady. Aýla tazalanbaǵanyna shamamen 2 aptadaı boldy. Balam qoqystardy arbaǵa tıep, 200 metr jerdegi qoqys jáshigine 2-3 ret tasydy. Qalǵanyna men kómektestim. Áleýmettik jelige salǵandaǵy oıym osyndaı kishkentaı mysaldar arqyly basqalarǵa da úlgi bolsaq degen nıet boldy», - dedi Eldar Álimbaev.

Ákeli-balaly almatylyqtar Áleýmettik jelide #chıstaıaalmata heshtegin qurdy. Olar qalanyń tazalyǵyna nemquraıdy qaramaýǵa shaqyrady.

Jas oqýshy «Rýhanı Jańǵyrý» baǵdarlamasy aıasynda «Almaty qalasynyń belsendi azamaty» ataǵyn jeńip aldy.

TÁKAPPARLYQTYŃ ETALONY 

Sonymen qatar, sońǵy kezde úlkenniń de, kishiniń de tilge tıek etken taqyryby - ánshi Tóreǵalıdiń Pavlodardaǵy kontsertinde kórsetken qylyǵy boldy.

Ánshiniń tyńdarmanyna zekigen vıdeosy Youtube jelisinde 230 myń ret qaralǵan. Bul vıdeo jarııalanysymen Tóreǵalı taqyryby jelidegiler arasynda kókparsha tartyldy.

Áleýmettik jelide qoldanýshylardyń bir bóligi  Tóreǵalıdiń qylyǵy men keshirim suraýyn synap jazsa, ózgeleri el erkesin aqtap jatyr.

QR Mádenıet jáne sport mınıstri Arystanbek Muhamedıuly Tóreǵalıdiń áreketin kórermendi qurmettemeý dep baǵalaıtyndyǵyn aıtqan bolatyn.

Sonymen qatar, ánshiniń ákesi de Taldyqorǵandaǵy kontsertinde tilshilerdi balaǵattap, dóreki minez kórsetken bolatyn.

JYL AITQYShY

Kópshiliktiń talqylaýynan túspegen tulǵalardyń biri - Baýyrjan Baıbek. Qala ákiminiń 500 teńgege túski as ishýge bolady degen sózi jelide keńinen talqylanyp, arty memderge ulasty.

Qalyń kópshilik, jýrnalıster, blogerler Baıbektiń sózinen keıin 500 teńgeden túski as ishýge bolatyn meıramhanalardy izdep, aralap ketti.

Keıbir tamaqtaný oryndary «Baıbekten kelgenderge» arnaıy aktsııa uıymdastyrdy.

Ótip bara jatqan 2017 jylda el esinde qalǵan tulǵalar osy boldy. Keler jyly da sport, óner, mádenıet  salasynda jaryq juldyzdar janatynyna seneıik.

Bizdiń kanalymyzǵa jazylyńyz:

Basty sózder: Internet, Jyl qorytyndysy, Mádenıet,
Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT