Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 412.55 EUR 468.66
RUB 5.79 CNY 58.80
Jańalyqtar

2017 jyldyń basty 10 oqıǵasy - QazAqparat nusqasy

2017 jylǵy 30 jeltoqsan 12:45 1929
Bólisińiz:
2017 jyldyń basty 10 oqıǵasy - QazAqparat nusqasy

ASTANA. QazAqparat - Sanaýly kúnnen soń tarıh qoınaýyna ketetin 2017 jyl Qazaqstan úshin asa tabysty boldy. Elimizde 28-shi qysqy Ýnıversıada, EKSPO-2017 halyqaralyq kórmesi, IYU sammıti syndy iri sharalar ótti. Elbasynyń «Bolashaqqa baǵdar: Rýhanı jańǵyrý» baǵdarlamalyq maqalasy jaryq kórip, aýqymdy mádenı jobalar júzege asyryldy. «Astana» fýtbol klýbynyń jeńisi qazaq fýtbol tarıhyna eleýli ózgerister ákeldi.

«QazAqparat» HAA tilshisi hronologııa boıynsha 2017 jyly Qazaqstanda oryn alǵan basty 10 oqıǵaǵa sholý usynady.

1. BUU Qaýipsizdik keńesi

2017 jyldyń basty 10 oqıǵasy - QazAqparat nusqasy

Bıyl Qazaqstan Azııa toby memleketteriniń atynan 2017-2018 jyldarǵa Birikken Ulttar Uıymy Qaýipsizdik Keńesiniń turaqty emes múshesi bolyp saılandy.

Elbasy Nursultan Nazarbaev Qazaqstannyń Qaýipsizdik keńesinde atqaratyn jumysynyń 4 negizgi baǵytyn atap kórsetti. Olar: ıadrolyq qaýipsizdik, energetıkalyq qaýipsizdik, sý qaýipsizdigi jáne azyq-túlik qaýipsizdigi.

BUU Qaýipsizdik Keńesiniń jıyndarynda Qazaqstan Aýǵanstandaǵy ahýal, Koreı Halyq Demokratııalyq Respýblıkasyna qatysty pikirtalastarǵa qatysty. ıAdrolyq qarýsyz álemdi jaqyndatý, jahandyq soǵys qaterin boldyrmaý, Aýǵanstandaǵy beıbitshilikke yqpaldasý, Ortalyq Azııada óńirlik beıbitshilik aımaǵyn qalyptastyrý, BUU qamqorlyǵymen Jahandyq lańkestikke qarsy koalıtsııa (jeli) qurý, Afrıkanyń beıbit damýyna járdemdesý maqsattary boıynsha jumys isteýde.

Taǵy bir aıta keterligi, Qazaqstan 2018 jyldyń qańtar aıynda Birikken Ulttar Uıymynyń Qaýipsizdik Keńesine birinshi ret tóraǵalyq etetin bolady. 

2. Astana protsesi

2017 jyldyń basty 10 oqıǵasy - QazAqparat nusqasy

Qazaqstan Sırııadaǵy shıelenisterdi retteýde múmkindiginshe qol ushyn sozyp keledi. Astanada 2017 jyldyń qańtarynan búgingi kúnge deıin Sırııadaǵy jaǵdaıdy beıbit túrde retteý máseleleri boıynsha joǵary deńgeıdegi segiz halyqaralyq kezdesý uıymdastyryldy. Astana protsesine Sırııadaǵy atysty toqtatý boıynsha kepilger memleketterdiń - Reseı, Iran jáne Túrkııa delegatsııalary, Sırııa úkimeti men qarýly oppozıtsııasynyń ókili, BUU jáne ózge de múddeli memleketterdiń ókilderi qatysýda.

Qazaqstan astanasynda uıymdastyrylǵan pikir alańy kópjyldyq shıelenis tarıhynda alǵash ret protsess qatysýshylary men soǵysýshy taraptardy bir ústel basyna jınaı aldy jáne ortaq sheshimder shyǵaryp, maquldaýǵa múmkindik berdi. Atap aıtqanda, kepilger memleketter Sırııada tórt deeskalatsııa aımaǵyn qurýǵa ýaǵdalasty. Astanada joǵary deńgeıdegi Sırııa jónindegi toǵyzynshy halyqaralyq kezdesý 2018 jyly aqpan aıynyń ekinshi jartysynda ótedi.

3. Konstıtýtsııalyq-saıası reformalar

2017 jyldyń basty 10 oqıǵasy - QazAqparat nusqasy

Qazaqstan Respýblıkasy Prezıdenti Nursultan Nazarbaev 25 qańtar kúni bılik tarmaqtary arasynda ókilettikterdi qaıta bólý máseleleri jóninde úndeý jarııalady. Elbasy óz úndeýinde aldymyzda bılik tarmaqtarynyń ókilettikterin qaıta bólý mindeti turǵanyn atap ótip, memlekettiń basqarý júıesin de jańǵyrtý qajettigin jetkizgen edi.

Reforma eki negizgi baǵyt boıynsha iske asady. Birinshiden, Prezıdenttiń áleýmettik-ekonomıkalyq protsesterdi retteýdegi birshama ókilettikteri Úkimetke jáne basqa da atqarýshy organdarǵa beriledi. ıAǵnı, ókilettilikpen birge, jaýapkershilik te Úkimetke júktelip otyr. Ókilettikterdi berý tıisti zańdardy ózgertý arqyly iske asty.

Ekinshiden, odan da kúrdeli mindet - bılik tarmaqtary arasyndaǵy qarym-qatynasty konstıtýtsııalyq deńgeıde teńgerimdi etý tur. Munda Parlamenttiń Úkimet jasaqtaýdaǵy rólin kúsheıtý, Mınıstrler Kabınetiniń depýtattar korpýsy aldyndaǵy jaýapkershiligin arttyrý mańyzdy. Parlamenttik saılaýlarda jeńiske jetken partııa Úkimetti jasaqtaýǵa sheshýshi túrde yqpal etetin bolady. Osyny basshylyqqa ala otyryp, Úkimettiń ókilettigin burynǵydaı Prezıdenttiń emes, jańadan saılanǵan Májilistiń aldynda toqtatýy zańdy bolmaq.Úkimet múshelerine Parlament palatalary tarapynan senimsizdik bildirý tártibi ońaılanady. Ol bıliktiń zań shyǵarýshy tarmaǵynyń atqarýshy tarmaqqa baqylaý jasaýyn kúsheıtpek. Munyń bári atqarýshy memlekettik organdar men onyń basshylarynyń jaýapkershiligin arttyryp, qajetti ókilettikter beredi.

4. 28-shi qysqy Ýnıversıada

2017 jyldyń basty 10 oqıǵasy - QazAqparat nusqasy

29 qańtar men 8 aqpan aralyǵynda Almaty qalasynda HHVIII qysqy Ýnıversıada oıyndary ótti. Oǵan 57 elden kelgen 1621 sportshy qatysqan bolatyn. Qazaqstandyq sportshylar 11 altyn, 8 kúmis, 17 qola medal jeńip alyp, jalpykomandalyq esepte ekinshi oryn aldy. Al Reseı quramasy 71 medalmen (29 altyn, 27 kúmis, 15 qola) birinshi oryndy ıelendi. Úshinshi oryndy 11 altyn, 5 kúmis, 5 qola medal enshilegen Ońtústik Koreıa sportshylary qanjyǵasyna baılady.

Ýnıversıada baǵdarlamasyna mənerlep syrǵanaý, short-trek, taý shańǵysy, shaıbaly hokkeı (erler, əıelder), snoýbord, bıatlon, shańǵy jarysy, kerlıng, shańǵymen tuǵyrdan sekirý, shańǵy qossaıysy, konkımen júgirý, frıstaıl sekildi 12 sport túri endi. Qazaqstan atynan Denıs Ten, Abzal Raqymǵalıev, Aıza Imanbek, Galına Vıshnevskaıa syndy belgili sportshylar synǵa tústi. Jerlesterimiz qatarynda bir ózi birneshe medalǵa qol jetkizgen sportshylardy da bar. Aıtalyq, Anna Shevchenko bir ózi Almaty tórinde 5 medalǵa qol jetkizdi. Onyń bireýi altyn, bireýi kúmis, úsheýi qola júlde. Al frıstaıldyń mogýl túrinen Dmıtrıı Reıhard pen ıÝlııa Galysheva qos-qos altynǵa qol jetkizdi.

Ýnıversıada úshin «Almaty arena», «Halyq arena» syndy muz aıdyny bar iri sport keshenderi salynyp, «Medeý», Balýan Sholaq atyndaǵy sport saraıy, «Shymbulaq», «Suńqar» syndy sport ǵımarattary qaıta jóndeýden ótkizildi. Ýnıversıada aıaqtalǵannan keıin Atletter qalashyǵy 1 748 otbasynyń jańa qonys toıyna sebepshi boldy. Onda emhana, sýpermarket, bank bólimshesi, polıtsııa beketi, poshta syndy halyqqa qyzmet kórsetiletin oryndar bar. Bul Almatyda úı kezeginde turǵandardyń sanyn 10 paıyzǵa qysqartty.

5. Elbasy maqalasy

2017 jyldyń basty 10 oqıǵasy - QazAqparat nusqasy

Bıylǵy jyldyń sáýir aıynda jarııalanǵan QR Prezıdenti Nursultan Nazarbaevtyń «Bolashaqqa baǵdar: Rýhanı jańǵyrý» baǵdarlamalyq maqalasy jyldyń basty jańalyǵyna aınaldy. Maqalada Elbasy básekelik qabilet, pragmatızm, ulttyq biregeılikti saqtaý, bilimniń saltanat qurýy, Qazaqstannyń revolıýtsııalyq emes, evolıýtsııalyq damýy jáne sananyń ashyqtyǵy syndy tutas qoǵamnyń jáne árbir qazaqstandyqtyń sanasyn jańǵyrtýdyń alty negizgi baǵytyn bólip kórsetti.

Elbasy maqalasyna sáıkes bıyl Qazaqstanda eldegi jalpyulttyq qasıetti oryndardyń tizimi quryldy. QR Mádenıet jáne sport mınıstrligi janynan «Qasıetti Qazaqstan» ǵylymı-zertteý ınstıtýty quryldy. Quramynda tanymal ǵalymdar, ólketanýshylar jáne qoǵam qaıratkerleri engen sarapshylar keńesi Qazaqstannyń jalpyulttyq 100 qasıetti oryndary men keshenderiniń tizimin ázirledi.

Memleket basshynyń tapsyrysymen «Qazaqstannyń 100 jańa esimi» jobasy qolǵa alyndy. Jobanyń negizgi maqsaty Táýelsizdik jyldary Qazaqstannyń damýyna eleýli úles qosqan adamdardyń erekshe taǵdyry arqyly tabys, básekege qabilettik, pragmatızm jáne bilimniń saltanat qurýy ıdeıalaryn dáripteý bolatyn. Búkilhalyqtyq onlaın-daýys berý jolymen iriktelip shyqqan 102 jeńimpaz 1 jeltoqsan kúni Prezıdent N.Nazarbaevpen kezdesti.

Maqalada kórsetilgen tapsyrmalarǵa sáıkes, QR Úkimeti «Tsıfrlyq Qazaqstan» memlekettik baǵdarlamasyn ázirledi jáne bekitti. Baǵdarlamanyń basty maqsaty - tsıfrlyq tehnologııalardy paıdalaný men damytý arqyly memleket ekonomıkasynyń básekelestigin jáne halyq ómiriniń sapasyn arttyrý boldy.

«Jańa gýmanıtarlyq bilim. Qazaq tilindegi 100 jańa oqýlyq» jobasy boıynsha álemniń úzdik oqý oryndarynyń qoldanysyndaǵy tańdaýly 18 oqýlyq qazaq tiline aýdaryldy. Jańa oqýlyqtardyń alǵashqy legi kelesi jyly, Elbasy bekitken latyn qarpinde jaryq kóredi dep josparlanyp otyr.

Qazaq tili álipbıin latyn grafıkasyna kóshirý boıynsha QR Úkimeti janynan Ulttyq komıssııa quryldy. Ulttyq komıssııa qazaq álipbıin latyn grafıkasyna kóshirý boıynsha usynystar ázirlep bekitý, jumys barysyn úılestirý jáne onyń sapaly oryndalýyna baqylaý jasaıdy. Qazaq álipbıin latyn grafıkasyna 2025 jylǵa deıin birtindep kóshirý kózdelgen. Birinshi kezeń: 2018-2020 jyldardy, ekinshi kezeń: 2021-2023 jyldardy, úshinshi kezeń: 2024-2025 jyldardy qamtıdy.   

6. EKSPO-2017 kórmesi

2017 jyldyń basty 10 oqıǵasy - QazAqparat nusqasy

2017 jyly ótken Qazaqstandaǵy eń mańyzdy oqıǵalardyń biri «Astana EKSPO-2017» halyqaralyq mamandandyrylǵan kórmesin ótkizý boldy. Qazaqstan álemdik masshtabtaǵy bul iri sharany uıymdastyrý jáne ótkizý quqyǵyn jeńip alǵan alǵashqy postkeńestik memleket atandy. Qazaqstan úsh aı boıy balamaly energııa kózderin tabýǵa qatysty álem ǵalymdarynyń tájirıbesin bir kórmede toǵystyrdy.

Kórmeden soń, EKSPO aýmaǵy aýqymdy týrıstik ortalyqqa aınaldy. Mundaǵy EKSPO-nyń basty murasy - Nur álem, taqyryptyq pavılon, úzdik tájirıbeler alańy men Óner ortalyǵy týrıster úshin qysy-jazy qyzmet kórsetetin bolady. Al jańa jyl qarsańynda EKSPO-da aýqymdy muz qalashyǵy boı kóterip, elimizdiń bas shyrshasy jaǵyldy.

EKSPO qalashyǵy men túrli joba nysandary kórme aıaqtalǵannan keıin de, qala turǵyndary men qonaqtary úshin qyzmet etetin bolady. Joba barysynda qonaq úı retinde soǵylǵan kópqabatty ǵımarattar qala ákimdigine ótip, turǵyn úılerdiń qataryn tolyqtyrady. Sol arqyly qalalyq ákimdik turǵyn úı máselesin ońtaılandyrýdy kózdep otyr.

7. Álemge tanylǵan talanttar

2017 jyldyń basty 10 oqıǵasy - QazAqparat nusqasy

2017 jyly Qazaqstannyń birqatar talantty tulǵalary aıdaı álemge tanyldy. Jyl basynda qazaqstandyq ánshi Dımash Qudaıbergen Qytaıdyń «Singer 2017» án baıqaýyna qatysyp, ekinshi oryn jeńip aldy. Otandasymyzdyń talantty óneri kóptegen qytaılyq jáne basqa elderdiń jankúıerlerin tánti etti. Sonymen qatar Dımash Qytaı men Amerıkadaǵy kóptegen mýzykalyq marapattaýlardy enshiledi. 16 jeltoqsanda ánshi óziniń alǵashqy álemdik týrnesine attandy.

Ánshi Dımashpen qatar boksshy Dımash ta muhıttyń ar jaǵynda qazaq eliniń atyn aspandatyp júr. AQSh polıtseıi jáne kásipqoı boksshy Dımash Nııazov 13 jasynda otbasymen Nıý-Iorkke qonys aýdarǵan. Qysqa ýaqyt ishinde úlgili jumysynyń arqasynda aldyńǵy qatarly polıtseı atanyp úlgergen. Sońǵy jeńisinen keıin Dımash Nııazov BoxRec reıtınginde 255-shi orynnan 236-shy orynǵa kóterildi. 

Amerıkany baǵyndyrýǵa bet alǵan taǵy bir otandasymyz - jas ártis Sofı Manasıan. Alǵash ret Sofı Manasıan 7 jasynda əlemniń ataqty Karnegı hol sahnasynda «Aqqý» bıimen kózge túsken. Búginge deıin jas daryn ıÝNESKO-nyń horeografııa boıynsha múshesi, birneshe halyqaralyq baıqaýlardyń jeńimpazy atanyp úlgerdi. Sofı Los-Andjeles qalasyndaǵy horeografııalyq ýchılıede bilim alýda, Gollıvýdtyń mýzykalyq klıpterine túsip júr jáne fortepıanoda oınap, AQSh pıanıster gıldııasyn moıyndatyp úlgerdi.

Elbasy Nursultan Nazarbaevtyń ózi tánti bolǵan jas qazaqstandyq ánshi Danelııa Tóleshova úshin de bıylǵy jyl sátti boldy. Ánshi qyz Ýkraınanyń «Golos. Ditı» baıqaýyn jeńip aldy. Fınalda Danelııa óziniń ániniń, daýysynyń shynaıy da tereńdigimen kórermenderdi tánti etti. Al «Ne tvoıa voına» kompozıtsııasy zaldaǵy kórermenderdiń kópshiliginiń kózine jas úıirdi.

8. ıAdrolyq otyn bankiniń ashylýy

2017 jyldyń basty 10 oqıǵasy - QazAqparat nusqasy

Qazaqstan 29 tamyz - Halyqaralyq ıadrolyq synaqtarǵa qarsy kúres kúni álem boıynsha alǵash ret halyqaralyq ıadrolyq otyn bankin iske qosty. Atomdyq energııa boıynsha halyqaralyq agenttiktiń (MAGATE) tómen baıytylǵan ýran bankiniń saltanatty ashylýyna Qazaqstan Prezıdenti Nursultan Nazarbaev onlaın rejıminde qatysty. Qazaqstan Prezıdenti tómen baıytylǵan ýran banki qyzmetin iske qosty jáne MAGATE-niń bas dırektory ıÝkııa Amanoǵa banktiń sımvoldyq kiltin tabys etti.

Qazaqstan óz aýmaǵynda MAGATE qamqorlyǵymen tómen baıytylǵan ýran bankin ashý bastamasyn 2009 jyly kótergen edi, al 2011 jylǵy 29 shildede Qazaqstan halyqaralyq agenttikke óz aýmaǵynda tómen baıytylǵan ýran bankin ornalastyrý nıeti týraly resmı ótinim jiberdi. 2015 jyldyń sáýirinde Qazaqstan Úkimeti óz qaýlysymen elimizde MAGATE-niń Tómen baıytylǵan ýran bankin «Úlbi metallýrgııalyq zaýyty» AQ-ynda ornalastyrý týraly kelisimge qol qoıýdy maquldaǵan bolatyn. Sol jyldyń 27 tamyzynda kelisimge Qazaqstan tarapynan Erlan Ydyrysov pen MAGATE-niń bas dırektory ıÝkııa Amano qol qoıǵan edi.

9. Alashordanyń 100 jyldyǵy

2017 jyldyń basty 10 oqıǵasy - QazAqparat nusqasy

Osydan 100 jyl buryn, ıaǵnı 5 jeltoqsanda Orynborda ІІ jalpyqazaq sezi óz jumysyn bastaǵan bolatyn. Aıtýly mereıtoıǵa oraı, Qazaqstannyń barlyq óńirlerinde, oqý oryndary men ǵylymı ınstıtýttarda aýqymdy jıyndar, konferentsııalar uıymdastyryldy.

Astanadaǵy EKSPO Kongress ortalyǵynda ótken «Rýhanı jańǵyrý: Alash jáne Azattyq ıdeıasynyń sabaqtastyǵy» atty halyqaralyq ǵylymı-tájirıbelik konferentsııada qatysýshylar Alash arystaryn ulyqtaý, olardyń muralaryn zertteýdi júıelep, jas urpaqty patrıottyq rýhqa tárbıeleý isin Alash murattarymen sabaqtastyrý máseleleri kórinis tabatyn qarar qabyldady.

«Qazaqstan» ulttyq arnasynyń arnaıy jobasy, Alashtyń 100 jyldyǵyna arnalǵan «Tar zaman» telehıkaıasy túsirildi. Belgili rejısser Murat Bıdosov túsirgen 12 bólimdik serıalda basty keıipker - Álıhan Bókeıhanov pen ózge de alash zııalylarynyń Alashorda úkimetin qurý jolyndaǵy tartysty ǵumyry sýretteledi.

10. Astana fýtbol klýbynyń jeńisi

2017 jyldyń basty 10 oqıǵasy - QazAqparat nusqasy 

Jeltoqsan aıynda «Astana» fýtbol komandasy Eýropa lıgasy toptyq kezeńiniń sońǵy oıynyn Pragada «Slavııamen» ótkizip, 1:0 esebimen jeńiske jetti jáne ÝEFA Eýropa lıgasynyń pleı-off keze­ńine shyqty. Bul qazaq fýtboly tarıhynda bolmaǵan úlken jetistik.

 «Astana» fýtbolshylarynyń Eýropa Lıgasynda «Slavııany» jeńýi komandanyń ÝEFA klýbtary reıtınginde óz ornyn jaqsartýǵa da yqpal etti. Osylaısha, Stanımır Stoılovtyń shákirtteri 20,750 upaımen 72-den 67-orynǵa kóterildi. 

Aıta keteıik, «Astana» fýtbol klýbynyń Eýropa lıgasy 1/16 fınalyndaǵy qarsylasy anyqtaldy. Bıylǵy maýsymnyń pleı-off kezeńinde Qazaqstan chempıondary "Sportıngpen" kezdesedi.


2017 jyldyń basty 10 oqıǵasy - QazAqparat nusqasy

P.S. Odan bólek, Qazaqstan 2017 jyly Shanhaı yntymaqtastyq uıymyna tóraǵalyq etip, Islam yntymaqtastyq uıymynyń ǵylym jáne tehnologııalar boıynsha alǵashqy sammıtin ótkizdi. Sondaı-aq, jeltoqsan aıynda Astanada Memleket basshysy Nursultan Nazarbaevtyń qatysýymen «Jańa ındýstrııalandyrý: qazaqstandyq barystyń qadamy» ulttyq telekópiri ótti. Shara barysynda onlaın rejıminde búkil el boıynsha jańa ındýstrııalyq-ınnovatsııalyq, ınfraqurylymdyq, energetıkalyq, agroónerkásiptik jobalar iske qosyldy.

Bizdiń kanalymyzǵa jazylyńyz:

Basty sózder: Jyl qorytyndysy,
Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT