100 qazaqstandyq Frantsııada tegin oqý múmkindigine ıe boldy

NUR-SULTAN. QazAqparat - Qazaqstandyq 100 stýdent «Abaı-Vern» baǵdarlamasy boıynsha Frantsııada oqıtyn boldy. Bul týraly QazAqparat «Bolashaq» halyqaralyq baǵdarlamalar ortalyǵyna silteme jasap habarlaıdy.

Frantsııanyń Qazaqstandaǵy elshisi Fılıp Martıneniń aıtýynsha, bıyl «Abaı-Vern» baǵdarlamasynyń shákirtaqysyna ıe bolý úshin 280 úmitker baq synaǵan.

«Abaı-Vern» shákirtaqysy bıyl ekinshi ret berilmek. Byltyr búkil Qazaqstannan 108 adam ǵana baq synaǵan bolatyn. Bıyl 280 ótinish tústi. Shákirtaqy qazaqstandyq stýdentterge magıstratýra men doktorandýrany Frantsııada oqýǵa múmkindik beredi. Іrikteýden ótkenderdiń basym bóligi ǵylymı-tehnologııalyq baǵdarlamalar boıynsha bilim alady. Doktorantýranyń 10 shákirtaqysyna 35 úmitker talasty. Bul óte jaqsy kórsetkish. Mundaı jeńildikke ıe bolý úshin eń áýeli Qazaqstan azamaty bolý kerek», - dedi elshi.

Fılıp Martıne shákirtaqydan úmittilerdiń frantsýz tilin joǵary deńgeıde bilýi kerektigin aıtady. Degenmen, keıbir ýnıversıtetterde aǵylshyn tilinde de bilim alýǵa bolady.

«Magıstratýra shákirtaqylary bir jylǵa belgilengen. Al doktarantýra úsh jylǵa jalǵasady. Qazir Frantsııada 310 000 sheteldik stýdent oqyp jatyr. Sonyń 650-i qazaqstandyq», - deıdi Frantsııa elshisi.