Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 377.29 EUR 418.41
RUB 6.09 CNY 54.66
Jańalyqtar

10 mln halqy bar Indonezııa astanasy 10 jyldan keıin sý astynda qalýy múmkin

2019 jylǵy 8 shilde 12:13 836
Bólisińiz:
10 mln halqy bar Indonezııa astanasy 10 jyldan keıin sý astynda qalýy múmkin

NUR-SULTAN. QazAqparat - Indonezııa sońǵy 15 jyl ishinde topyraq qabatynyń shógýi jáne teńiz deńgeıiniń kóterilýine baılanysty, qurlyqtaǵy 29 myń gektardaı jerinen aıyryldy. 

Bul Djakartanyń aýdanymen para-par. Bul jaıly The Jakarta Post gazeti jazdy, dep habarlaıdy QazAqparat.

Eldiń Teńiz isteri jáne balyq sharýashylyǵy mınıstrliginiń derekterine qaraǵanda, ıAva aralyndaǵy jaǵdaı qatty alańdatady. Araldyń soltústik jaǵalaýyndaǵy jer kúshti erozııaǵa ushyraǵan.

Buǵan teńizdiń qýatty tolqyndary, sonymen qatar jergilikti turǵyndardyń sharýashylyq qyzmeti de áser etip otyr. Kesilgen ormandar men plantatsııalardyń orny jyldam erozııaǵa ushyrap barady.

Sarapshylardyń aıtýynsha, Djakartada topyraq qabaty jylyna 10-25 sm shógedi. Bılikti alańdatatyn taǵy bir jaıt, qala aýmaǵynyń 40%-ǵa jýyǵy onsyz da teńiz deńgeıinen tómen ornalasqan. Eger jaǵdaı ońdalmasa, 2030 jylǵa qaraı Djakarta tolyqtaı sý astynda qalýy múmkin.

Qazirgi tańda Djakartada on mıllıonǵa jýyq halyq turady.

 

 

Bizdiń kanalymyzǵa jazylyńyz:

Basty sózder: Oqıǵa, Álem,
Bólisińiz:
Zagrýzka...
Pikir qaldyrý
+7
Jiberý
ONLAIN QYZMETKERLER
MURAǴAT