Қолданушы баптаулары
Қолданушы баптаулары
+7 (701) 759 90 19 Лента
USD 412.55 EUR 468.66
RUB 5.79 CNY 58.80
Jańalyqtar

Жетісу полицейлері марихуана өсірген екі азаматты ұстады

2019 жылғы 10 шілде 05:45 399
Бөлісіңіз:
Жетісу полицейлері марихуана өсірген екі азаматты ұстады

ТАЛДЫҚОРҒАН. ҚазАқпарат - Соңғы бір тәулік ішінде Алматы облысында есірткі тектес өсімдікті баптаудың екі дерегі анықталды, деп хабарлайды ҚазАқпарат тілшісі.

Алғашқы дерек облыс орталығына жақын маңда орналасқан Көксу ауданында тіркелді. Тәртіп сақшылары жедел ақпарат негізінде жергілікті тұрғынның үйінен жалпы салмағы 9 кг жуық болатын 50 түп марихуананы тәркіледі.  

«Марихуана күдіктінің бақшасында өсірілген. Сонымен қатар, полицейлер оның моншасынан пайдалануға дайын, кептірілген марихуана тапты. Осыған ұқсас жағдай Талғар ауданында да тіркелді. 40 жастағы қала тұрғынының тыйым салынған өсімдікті баптап өсіргені әшкере болды. Екі дерек бойынша ҚР Қылмыстық кодексінің 300-бабының 1-тармағына сәйкес сотқа дейінгі тергеу амалдары басталды»,- деп хабарлады Алматы облысы ПД баспасөз қызметі.

Жыл басынан бері облыс аумағында құрамында есірткі бар өсімдік өсірудің 8 дерегі анықталған. Өз кезегінде, тәртіп сақшылары тыйым салынған өсімдікті өсіру, баптау үшін қылмыстық жауапкершілік қарастырылғанын хабарлайды.

 

 

Біздің каналымызға жазылыңыз:

Бөлісіңіз:

Автор:

Самал Қабышева

Загрузка...
Пікір қалдыру
+7
Жіберу
ONLAIN QYZMETKERLER
MURAǴAT