Қолданушы баптаулары
Қолданушы баптаулары
+7 (701) 759 90 19 Лента
USD 412.55 EUR 468.66
RUB 5.79 CNY 58.80
Jańalyqtar

Өзбекстанда алғашқы қазақстандық банк ашылды

2019 жылғы 11 шілде 17:13 913
Бөлісіңіз:
Өзбекстанда алғашқы қазақстандық банк ашылды

ТАШКЕНТ. ҚазАқпарат -Өзбекстан астанасында қазақстандық «Tenge Bank» банкінің ашылу салтанаты өтті. Бұл туралы ҚазАқпарат СІМ баспасөз қызметіне сілтеме жасап хабарлайды.

Банктің ашылуы ағымдағы жылдың мамыр айында Өзбекстан Республикасының Орталық Банкінің «Қазақстан Халық банкі» АҚ еншілес ұйымының «Tenge Bank» қаржы операцияларды жүзеге асыруға лицензия беруі арқасында жүзеге асырылды. Бұл Өзбекстан Республикасының аумағында алғашқы қазақстандық банк.

Өзбекстанда алғашқы қазақстандық банк ашылды 

Іс-шараны аша отырып, еліміздің Өзбекстандағы Елшісі Дархан Сатыбалды Қазақстан банкінің ашылу мәселесін жедел пысықтағаны үшін Өзбекстан Үкіметі мен Орталық банкінің басшылығына алғысын білдірді. Жеке және заңды тұлғаларға банктік қызмет көрсету үшін «Tenge Bank» барлық жағдайды жасайды. Елші қазақстандық және өзбек кәсіпкерлері арасында экспорттық-импорттық операциялар жүргізу мүмкіндігін кеңейтетін сауданы қаржыландыру тетігін ерекше атап өтті.

Өзбекстанда алғашқы қазақстандық банк ашылды 

Ашылу рәсімі аяқталғаннан кейін іс-шараға қатысушылар Банк әкімшілік корпусына барып, ұсынылған банк өнімдерімен, сондай-ақ банктің орта мерзімді кезеңге арналған ағымдағы жоспарлары мен даму перспективаларымен танысты.

 

 

 

Біздің каналымызға жазылыңыз:

Басты сөздер: Банктер, ҚР СІМ, Өзбекстан,
Бөлісіңіз:
Загрузка...
Пікір қалдыру
+7
Жіберу
ONLAIN QYZMETKERLER
MURAǴAT