Қолданушы баптаулары
Қолданушы баптаулары
+7 (701) 759 90 19 Лента
USD 412.55 EUR 468.66
RUB 5.79 CNY 58.80
Jańalyqtar

Нұрсұлтан Назарбаев Қазақстан мен Еуропа одағы арасындағы қатынасқа баға берді

2019 жылғы 31 мамыр 18:56 2522
Бөлісіңіз:
 Нұрсұлтан Назарбаев Қазақстан мен Еуропа одағы арасындағы қатынасқа баға берді

НҰР-СҰЛТАН. ҚазАқпарат - Қазақстанның Тұңғыш Президенті Еуропалық кеңестің төрағасы Дональд Тускпен кездесті, деп хабарлайды Қазақстан Республикасының Тұңғыш Президенті - Елбасының Баспасөз қызметі.

Нұрсұлтан Назарбаев Қазақстан мен Еуропа одағы арасындағы қарым-қатынас жоғары деңгейде дамып келе жатқанын атап өтті.

«Біз бірнеше рет кездестік. Сіз төраға болған кезде Еуропа одағы мен Қазақстан арасында кеңейтілген әріптестік және ынтымақтастық туралы келісімге қол қойылды. Биыл осы құжатты ратификациялау рәсімі аяқталады. Жалпы, қарым-қатынасымыздың келешегі жарқын», - деді Елбасы.

Дональд Туск Нұрсұлтан Назарбаевтың Қазақстанды қалыптастыру және өркендету, сондай-ақ еліміздің халықаралық беделін нығайту ісіндегі рөлін атап өтті.  

«Сіз осы өңірде ерекше және маңызды рөл атқарасыз. Сізбен жүздескеніме қуаныштымын. Сіздің билік транзитіне қатысты ойға қонымды әрі жауапты ұстанымыңызды жоғары бағалаймын. Менің ойымша бүкіл Еуропа осы қадамыңызға тәнті болды. Демократия жағдайында кімнің президент болатынын білу оңай емес. Бірақ, Сіз айқындаған бағытты жалғастыру үшін кандидатыңыздың толық мүмкіндігі бар», - деді Еуропалық кеңес төрағасы.  


Нұрсұлтан Назарбаев Қазақстан мен Еуропа одағы арасындағы қатынасқа баға берді

 

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
ONLAIN QYZMETKERLER
MURAǴAT