Қолданушы баптаулары
Қолданушы баптаулары
+7 (701) 759 90 19 Лента
USD 421.58 EUR 496.83
RUB 5.53 CNY 62.20
Jańalyqtar

Қызылордада күйшілер байқауы өтті

2019 жылғы 9 шілде 22:45 797
Бөлісіңіз:
Қызылордада күйшілер байқауы өтті

ҚЫЗЫЛОРДА. ҚазАқпарат - Қызылорда қаласында  А.Тоқмағамбетов атындағы қалалық мәдениет үйінде дәулескер күйші Әлшекей Бектібайұлы, Құрақтың Досжаны және Шал Мырзаның күйлерін насихаттауға арналған «Ғасырлар пернесі» атты облыстық күйшілер байқауы   өтті, деп хабарлайды ҚазАқпарат тілшісі.

Аталмыш мәдени шара Тұңғыш Президент - Елбасы Нұрсұлтан Назарбаевтың «Болашаққа бағдар: рухани жаңғыру» және «Ұлы даланың жеті қыры» мақалалары аясында ұйымдастырылды. Сондай-ақ, ол Жастар жылы, мен ұлттық домбыра күніне орайластырылды. Аталмыш шара барысында Қармақшы, Сырдария, Шиелі, Жаңақорған аудандары мен Қызылорда қаласынан барлығы 8 өнерпаз күмбірлете күй төкті. Осылайша өнерпаздар Сыр бойы күй өнерінің озық үлгісін көрсетті.
Қызылордада күйшілер байқауы өтті 

Мәдени шарада ертеде күмбірлете күй төккен Әлшекей Бектібайұлы, Құрақтың Досжаны, Шал Мырза шығармаларынан өзге, Жалдыбай, Жантөре күйшілердің және Арқа, Маңғыстау, Қаратау өңірлерінің күй қазынасы көрермен назарына ұсынылды.

Қазылар алқасының шешімімен байқауда Сәбит Дідебаев бірінші орынды жеңіп алды. Ал одан кейінгі орындарды Данияр Совет, Мұхамеддин Көшербай мен Олжас Нариманов жеңіп алды.

Бұдан бұрын Қызылордада «Ұлы даланың сарқылмас үні» атты өнер экспедициясы өткізілгенін хабарлаған едік.

 

 

 

Біздің каналымызға жазылыңыз:

Бөлісіңіз:

Автор:

Әділжан Үмбет

Загрузка...
Пікір қалдыру
+7
Жіберу
ONLAIN QYZMETKERLER
MURAǴAT