Қолданушы баптаулары
Қолданушы баптаулары
+7 (701) 759 90 19 Лента
USD 412.55 EUR 468.66
RUB 5.79 CNY 58.80
Jańalyqtar

Елорда әкімі көпбалалы отбасыларға арналған үйдің құрылысымен танысты

2019 жылғы 9 шілде 02:05 1011
Бөлісіңіз:
Елорда әкімі көпбалалы отбасыларға арналған үйдің құрылысымен танысты

НҰР-СҰЛТАН. ҚазАқпарат - Бүгін елорда әкімі Алтай Көлгінов аз қамтылған және көпбалалы отбасыларға арналған тұрғын үйдің құрылысымен танысты, деп хабарлайды ҚазАқпарат әкімнің Facebook парақшасына сілтеме жасап.

Бүгін шаһар басшысы Ә. Жангелдин, С. Рахымов және Ш. Уәлиханов көшелерінің қиылысында орналасқан үй-жайлар мен көлік тұрағы бар көппәтерлі тұрғын үй кешенінің құрылыс алаңына барды. 

Тұрғын үй кешеніндегі пәтер саны - 1 472, көлік тұрағындағы орындар саны - 1 021, үй-жайдың жалпы ауданы - 1700 шаршы метр. Әкім нысанның құрылыс барысы мен жобаны жүзеге асырудағы өзекті мәселелермен танысты. 

«Инженерлік инфрақұрылым жүргізу және ауланы абаттандыру жұмыстарын уақытылы аяқтау, тұрғындардың қажеттіліктерін ескере отырып төменгі қабаттарда медициналық және мектепке дейінгі білім беру нысандарын орналастыру, Ш. Уәлиханов және С. Рахымов, көшелерінің аралығында Ә.Жангелдин көшесін салуды қарастыру туралы нақты тапсырмалар берілді», - деп жазады Алтай Көлгінов.


Елорда әкімі көпбалалы отбасыларға арналған үйдің құрылысымен танысты

Мемлекет басшысының тапсырмасына сәйкес, бұл пәтерлер жыл соңына дейін кезекте тұрған азаматтарға, аз қамтылған және көпбалалы отбасылар мен еңбек жастарына тапсырылады.


Елорда әкімі көпбалалы отбасыларға арналған үйдің құрылысымен танысты

 

 

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
ONLAIN QYZMETKERLER
MURAǴAT