Қолданушы баптаулары
Қолданушы баптаулары
+7 (701) 759 90 19 Лента
USD 421.58 EUR 496.83
RUB 5.53 CNY 62.20
Jańalyqtar

Елбасының өмірлік тәжірибесін, парасаттылығын пайдалану керек - сенатор

2019 жылғы 30 мамыр 13:46 2542
Бөлісіңіз:
Елбасының өмірлік тәжірибесін, парасаттылығын пайдалану керек - сенатор

НҰР-СҰЛТАН. ҚазАқпарат - Сенат депутаты Әли Бектаев «Құрметті Сенатор» мәртебесіне ие болған Елбасы Нұрсұлтан Назарбаевтың өкілеттігіне байланысты түсінік берді, деп хабарлайды ҚазАқпарат тілшісі.

«Елбасының өмірлік тәжірибесін ұйымдардың жұмысында пайдалану керек. Өмір тәжірибесі лайықты тұлғаның ақылын да, парасаттылғын да пайдалануымыз керек», - деп тоқталды депутат Сенаттың жалпы отырысынан кейін тілшілер сауалына жауап бере отырып.

Осы орайда ол «Құрметті Сенатор» өзге депутаттар сияқты жалақы алмайтынын, бұл өз кезегінде қоғамдық негізде атқарылатын қызмет екенін жеткізді.

«Елбасына «Құрметті Сенатор» мәртебесінің берілуінен ҚР Парламенті Сенаты жұмысының сапасы да, беделі де арта түседі деп ойлаймын. Жалпы, Сенаттың жұмысында қосымша жауапкершілік пайда болады деген пікірдемін. Тұңғыш Президенттің отырыстарға қалаған кезде қатысуға мүмкіндігі бар, яғни маңызды заңдар мен мәселелерді талқылау барысында тиісті ұсыныстарды жасай алады», - деді Әли Бектаев.

Бұдан бұрын хабарланғандай, бүгін ҚР Парламенті Сенатының жалпы отырысында Тұңғыш Президент-Елбасы Нұрсұлтан Назарбаевқа «Құрметті Сенатор» мәртебесі берілді.

 

 

Біздің каналымызға жазылыңыз:

Басты сөздер: Сенат, Парламент,
Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
ONLAIN QYZMETKERLER
MURAǴAT